بول نیوز کے شریک چئیرمین کی گرفتاری کے تھوڑی ہی دیر بعد ’’ریلیز شعیب شیخ‘‘ ٹاپ ٹرینڈ بن گیا۔

تفصیلات کے مطابق بول نیوز کے شریک چیئرمین شعیب احمد شیخ کو اسلام آباد میں نامعلوم افراد نے گرفتار کرلیا جس کے بعد ملک کی سیاسی وسماجی شخصیات کی جانب سے ان کی گرفتاری کی مذمت کی گئی جب کہ سوشل میڈیا صارفین نے بھی شعیب شیخ کی گرفتاری کے خلاف بھرپور آواز اٹھائی۔

بول نیوز کے شریک چیئرمین کی گرفتاری کے کچھ ہی دیر بعد سوشل میڈیا پر ’’ریلیز شعیب شیخ‘‘ ٹاپ ٹرینڈ بن گیا اور صارفین نے ان کی فوری رہائی کا مطالبہ کیا جارہا ہے۔

سوشل میڈیا پر صارفین کی جانب سے حکومت کو شدید تنقید کا نشانہ بنایا گیا۔ وجہی نامی صارف نے کہا کہ  بول کے لب آزاد ہیں تیرے۔

ارشاد بھٹی نامی صارف نے شعیب شیخ کی رہائی کا مطالبہ کیا جب کہ اطہر نامی صارف  نے بول نیوز کے  کو چئیرمین کو ببر شیر قرار دیا ۔ عزیز نامی صارف نے شاعرانہ انداز میں اپنے جذبات کا اظہار کیا۔

قاسم نامی صارف نے بول نیوز کے  شریک چیئرمین شعیب شیخ کو بہادر شخصیت کے ساتھ ساتھ کسی کے سامنے نہ جھکنے والا قرار دیتے ہوئے لکھا کہ ہم آپ کے ساتھ ہیں۔