بول نیوز کے شریک چیئرمین کی گرفتاری پر شعیب شیخ کی والدہ نے خصوصی پیغام جاری کیا ہے۔

بول نیوز کے شریک چیئرمین شعیب احمد شیخ کی والدہ نے اپنے صاحبزادے کی گرفتاری پر خصوصی ویڈیو پیغام دیتے ہوئے کہا کہ میرا بیٹا بے گناہ بے قصور ہے کوئی جرم ثابت نہیں ہوا، جو زمہ دار ہیں ان کو پکڑا جائے۔

شعیب شیخ کی والدہ کا کہنا تھا کہ میرے بیٹے کیساتھ اس طرح نہیں کرنا چاہیے تھا، پہلے بھی میرے بیٹے کے ساتھ ظلم ہوا ہے، میرا بیٹا سر نہیں جھکائے گا، تمام لوگ میرے بیٹے کے ساتھ ہیں۔

شعیب شیخ کی والدہ نے مزید کہا کہ میرا بیٹا حق پر ہے اور إنشاءاللّٰه  میرے بیٹے کی فتح ہوگی، میرا بیٹا باعزت بری ہوکر گھر آئے گا، اگر میرے بیٹے کو کچھ ہوا تو اس کی ذمے دار ایف آئی اے ہوگی۔

واضح رہے کہ گزشتہ روز بول نیوز کے شریک چیئرمین شعیب احمد شیخ عدالت میں پیش ہونے کے لیے اسلام آباد پہنچے تھے، جہاں نامعلوم افراد انہیں اسلام آباد ایئرپورٹ سے ساتھ لے گئے۔