گورنرسندھ  نے کہا ہے کہ کراچی ترقی کرے گا تو ملک ترقی کرے گا۔

تفصیلات کے مطابق گورنرسندھ کامران خان ٹیسوری سے متحدہ قومی موومنٹ کے رہنما مصطفی کمال کی ملاقات ہوئی جس میں صوبے کی مجموعی سیاسی صورتحال، شہر قائد کی تعمیر و ترقی کے اقدامات عوام کے مسائل کے حل کے کاوشوں اور باہمی دلچسپی کے دیگر امور پر تبادلہ خیال کیا گیا۔

گورنر سندھ نے کہا کہ باہمی گفت و شنید سے ہی تمام مسائل کا حل نکالا جاسکتا ہے۔

کامران خان ٹیسوری نے یہ بھی کہا کہ شہر قائد ہم سب کی توجہ کا طلب گار ہے، کراچی ترقی کرے گا تو ملک ترقی کرے گا۔

گورنر سندھ کامران خان ٹیسوری نے مزید کہا کہ ہم سب مل کر شہر قائد کو عروس البلاد بنا سکتے ہیں ، تمام اسٹیک ہولڈرز سے ملاقات کا مقصد شہر کراچی کو دوبارہ روشنیوں کا شہر بنانا ہے۔

ملاقات میں متحدہ قومی موومنٹ کے رہنما مصطفی کمال نے کہا کہ گورنر سندھ کی کاوشوں سے کراچی ضرور ترقی کرے گا۔