لاہور پولیس کی جانب سے شدید شیلنگ اور تشدد کے باعث پاکستان تحریک انصاف کا کارکن علی بلال عرف ضل شاہ شہید ہوگیا ہے۔

پی ٹی آئی کارکن علی بلال محمدی پارک، جہانگیر ٹاؤن لاہور کا رہائشی تھا اور آج پی ٹی آئی کی ریلی میں شریک تھا۔

پی ٹی آئی کارکنوں کے ساتھ پولیس کے تصادم میں کارکن کے سر پر ڈنڈے مارے گئے جس سے وہ زخمی ہو کر ہسپتال میں دم توڑ گیا۔

عمران خان کا پارٹی کارکن علی بلال کی شہاد ت پر ردعمل

پی ٹی آئی چیئرمین عمران خان کا پارٹی کارکن علی بلال کی شہاد ت پر ردعمل سامنے آگیا۔

تفصیلات کے مطابق سابق وزیراعظم اور پی ٹی آئی چیئرمین عمران خان نے سماجی رابطے کی ویب سائٹ پر جاں بحق کارکن کی تصاویر شیئر کرتے ہوئے کہا کہ ہمارے مکمل طور پر نہتے، جانثار اور پرجوش کارکن علی بلال کو پنجاب پولیس نےشہید کردیا۔

ہمارےمکمل طور پر نہتے،جانثار اور پرجوش کارکن علی بلال کو پنجاب پولیس نےشہیدکردیا۔انتخابی ریلی میں شرکت کیلئےآنے والےنہتےکارکنان کیساتھ ایسا وحشیانہ سلوک نہایت شرمناک ہے۔پاکستان اس وقت خون کے پیاسےمجرموں کےچنگل میں ہے۔ہم IG، CCPO اور دیگر کیخلاف قتل کے مقدمات درج کروائیں گے۔ pic.twitter.com/HmrreBFslN

— Imran Khan (@ImranKhanPTI) March 8, 2023

انہوں نے کہا کہ انتخابی ریلی میں شرکت کیلئے آنے والے نہتےکارکنان کیساتھ ایسا وحشیانہ سلوک نہایت شرمناک ہے۔

عمران خان نے یہ بھی کہا کہ پاکستان اس وقت خون کے پیا سے مجرموں کے چنگل میں ہے۔ہم آئی جی ، سی سی پی او اور دیگر کیخلاف قتل کے مقدمات درج کروائیں گے۔

اس ویڈیو میں علی بلال، جسے پیار سے ظلِّ شاہ کے نام سے بھی پکارا جاتا تھا، کو واضح طور پر دیکھا جاسکتا ہے کہ تھانے منتقلی کے دوران وہ زندہ تھا۔ چنانچہ اسے پولیس کی حراست میں قتل کیا گیا۔ موجودہ سرکار اور پنجاب پولیس ایسی وحشت اور کُشت و خون پر آمادہ ہیں! pic.twitter.com/77JuaR0o5H

— Imran Khan (@ImranKhanPTI) March 8, 2023

ان کا کہنا تھا کہ اس ویڈیو میں علی بلال، جسے پیار سے ظلِّ شاہ کے نام سے بھی پکارا جاتا تھا ان کو واضح طور پر دیکھا جاسکتا ہے کہ تھانے منتقلی کے دوران وہ زندہ تھا۔

عمران خان کا یہ بھی کہنا تھا کہ چنانچہ اسے پولیس کی حراست میں قتل کیا گیا، موجودہ سرکار اور پنجاب پولیس ایسی وحشت اور کُشت و خون پر آمادہ ہیں۔

سابق وزیراعظم اور پی ٹی آئی چیئرمین عمران خان  کا مزید کہنا تھا کہ میری ملک بھر میں اپنے ضلعی صدور اور ذمہ داران کو ہدایت ہے کہ ہمارے شہید کارکن علی بلال کی غائبانہ نمازِ جنازہ کی ملک گیر سطح پر ادائیگی کا اہتمام کریں۔

میری ملک بھر میں اپنے ضلعی صدور اور ذمہ داران کو ہدایت ہے کہ ہمارے شہید کارکن علی بلال کی غائبانہ نمازِ جنازہ کی ملک گیر سطح پر ادائیگی کا اہتمام کریں۔

— Imran Khan (@ImranKhanPTI) March 8, 2023