مفتی پوپلزئی کی زیر صدارت رمضان کا چاند دیکھنے کے لیے اجلاس جاری ہے تاہم کمیٹی کو پشاور سے کوئی شہادت موصول نہیں ہوئی۔ 

پشاور کی غیرسرکاری رویت ہلال کمیٹی مسجد قاسم علی خان کے مفتی شہاب الدین پوپلزئی نے رمضان المبارک کا چاند دیکھنے کے لیے 22 مارچ بروز بدھ (کل) اجلاس طلب کیا تھا جو جاری ہے۔

اجلاس کی صدرات مفتی شہاب الدین پوپلزئی کر رہے ہیں، 13 رکنی کمیٹی کو ابھی تک صوبے کے کسی حصہ سے کوئی شہادت موصول نہیں ہوئی ہے۔

دوسری جانب چیئرمین رویت ہلال کمیٹی مولانا سید عبد الخبیر آزاد کی صدارت میں مرکزی رویت ہلال کمیٹی کا اجلاس چارسدہ روڈ پشاور پر قائم محکمہ اوقاف کے دفتر میں جاری ہے۔

اجلاس میں مرکزی رویت ہلال کمیٹی، زونل کمیٹی پشاور کے اراکین اور محکمہ فلکیات ، محکمہ موسمیات ، سائنس اینڈ ٹیکنالوجی کے نمائندے شریک ہیں۔