یوگا کی تمام ہی مشقیں آپ کو صحت مند رکھنے ساتھ چاک وچوبند اور توانا بھی رکھتی ہیں، تاہم اسے کرنے کے دوارن کچھ احتیاط ضرور کرنی چاہئے جو یہاں پر بتائی جارہی ہیں۔ وزن میں کمی ہو، جسم کی لچک بڑھانی ہویا  ذہنی سکون میں اضافہ کرنا چاہتے ہوں ان سب کا حل یوگا میں چھپا ہے۔

یوگا کو باقاعدگی کے ساتھ شروع کرنے سے پہلے اس بات کو یقینی بنا لیں کہ جس جگہ یوگا کیا جا رہا ہے وہ صاف ستھری اور ہوا دار ہو۔ یوگا کو  ہموار اور سخت جگہ پر قالین یا چادر بچھا کر کیا جاتا ہے۔ یوگا شروع کرنے سے پہلے یہ بات بھی یقینی بنانا ضروری ہے کہ اردگرد کا ماحول پر سکون ہو اور شور و غل نہ ہو۔

کپڑے کا چناؤ

یوگا کے دوران بھاری اور گرم کپڑے نہ پہنیں، کیوں کہ ایسے کپڑے پہننے کی وجہ سے یوگا کرنے میں مشکلات کا سامنا کرنا پڑ سکتا ہے۔ 

خالی پیٹ

یوگا سمیت تمام ورزشیں خالی پیٹ کرنے کی وجہ سے ان کی افادیت میں اضافہ ہو جاتا ہے اور مثبت نتائج جلد دیکھنے کو ملتے ہیں۔ یوگا کرنے کے بعد کسی اچھی اور متوازن غذا کا استعمال کیا جا سکتا ہے۔

وقفہ ضرور لیں

یوگا کرنے کے دوران مخصوص وقت کے لیے رک کر جسم کو پر سکون کرنا ضروری ہوتا ہے، اس لیے کوشش کریں کہ مختلف یوگا کرنے کے دوران مخصوص وقت کے لیے ضرور ٹھہریں۔

ہلکی ورزش کریں

تمام ورزشوں اور خاص طور پر یوگا سے پہلے  خون کی گردش کو تیز کرنے کے لیے اور جسم کو ہلکا گرم رکھنے کے لیے چند ہلکی پھلکی ورزشیں لازمی کرنی چاہیئں۔

درست انداز میں  سانس لیں

یوگا کے دوران بے ترتیب سانس لینے سے اس کی افادیت میں کمی آ سکتی ہے، اس لیے یوگا کے دوران جسم کو ڈھیلا چھوڑ دیں اور جتنی حد تک ممکن ہو ناک کے ذریعے سا نس پھیپھڑوں میں جمع کریں اور منہ کے ذریعے باہر خارج کریں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/07/121633/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/07/121633/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں