بھارت کے دہلی ایئرپورٹ پر ایک مسافر کے موبائل فون چارجر کی وجہ سے بھارتی طیارے کی پرواز کو روکنا پڑ گیا۔

بھارتی میڈیا کی رپورٹس کے مطابق ایئر انڈیا کی پرواز دہلی سے اودے پور جا رہی تھی کہ اچانک ایک مسافر کا موبائل فون چارجر چارجنگ کے دوران غیر معمولی طور پر گرم ہو گیا۔

ایئر انڈیا کے ایک عہدیدار نے بتایا کہ مسافر نے موبائل فون کے زیادہ گرم ہوتے ہوئے دیکھا اور کیبن کریو کو آگاہ کیا۔

ایئرپورٹ حکام کے مطابق اودے پور سے دہلی جانے والی ایئر انڈیا کی ایک پرواز کو ایک مسافر کے موبائل فون چارجر میں خرابی کی وجہ سے روکنا پڑا اور طیارے کو ٹیک آف رن وے سے ہٹانا پڑا۔

ایک عہدیدار نے بتایا کہ پرواز اے آئی 470 میں کم از کم ایک گھنٹہ کی تاخیر ہوئی اور بعد میں اس نے دہلی کے لئے اڑان بھری۔

ایئرلائن کے ایک عہدیدار نے بتایا کہ ایک مسافر کے موبائل فون چارجر میں خرابی تھی۔

ایئر لائن کے عہدیدار نے مزید بتایا کہ مسافر نے موبائل فون کے زیادہ گرم ہوتے ہوئے دیکھا اور کیبن کریو کو آگاہ کیا۔ اس کے بعد مسافروں کی حفاظت کو یقینی بنانے کے لئے احتیاطی اقدام کے طور پر طیارہ واپس چلا گیا۔

حالانکہ اودے پور ہوائی اڈے کے ایک افسر نے بتایا کہ طیارے میں بظاہر دھواں تھا، جس کے بعد طیارے کو ٹیک آف رن وے سے واپس بلوا لیا گیا۔

اگرچہ فوری طور پر اس پیش رفت کی صحیح ترتیب کا پتہ نہیں چل سکا ہے ، لیکن اطلاعات میں دعوی کیا گیا ہے کہ ایک مسافر کے پاور بینک میں مسئلہ تھا۔