سوئیڈن میں توہین قرآن کی مذموم کوشش پر عراقی شہر بغداد کے گرین زون میں سیکڑوں افراد نے حملہ کرنے کی کوشش کی۔

غیر ملکی میڈیا کی خبروں کے مطابق کوپن ہیگن میں انتہائی دائیں بازو کے ڈنمارک کے گروپ ڈانسکے پیٹریاٹر کی جانب سے قرآن پاک کو نذر آتش کرنے کی اطلاعات کے بعد مظاہرین جمع ہو رہے ہیں۔

بغداد میں سینکڑوں افراد نے شہر کے گرین زون میں گھسنے کی کوشش کی ہے جہاں متعدد غیر ملکی سفارت خانے اور عراقی حکومت کی نشستیں موجود ہیں۔

ڈنمارک میں عراقی سفارت خانے کے سامنے ایک روز قبل دائیں بازو کے ایک گروپ کی جانب سے قرآن کو نذر آتش کیے جانے کی اطلاعات کے ردعمل میں سیکیورٹی فورسز نے ہفتے کی علی الصبح تقریبا ایک ہزار مظاہرین کو منتشر کر دیا تھا۔

مظاہرین نے بااثر عراقی شیعہ مذہبی اور سیاسی رہنما مقتدیٰ الصدر کی حمایت میں نعرے لگائے، جن کے ہاتھوں میں قائد کی تصاویر اور ان کی تحریک سے وابستہ جھنڈے تھے۔

مظاہرین میں زیادہ تر نوجوان شامل تھے جو ’ہاں قرآن کے لیے ہاں‘ کے نعرے لگا رہے تھے۔

سیکیورٹی فورسز نے گرین زون کی طرف جانے والے جمہوریا پل کو بند کر دیا جس کی وجہ سے مظاہرین ڈنمارک کے سفارت خانے تک نہیں پہنچ سکے۔

غیر ملکی میڈیا نے خبر دی ہے کہ بغداد میں دن کے آخر میں ایک اور احتجاج کی منصوبہ بندی کی گئی ہے۔

واضح رہے کہ ڈنمارک کے میڈیا رپورٹس کے مطابق انتہائی دائیں بازو اور انتہائی قوم پرست گروپ ڈانسکے پیٹریاٹ نے کوپن ہیگن میں عراقی سفارت خانے کے سامنے قرآن پاک کا ایک نسخہ اور عراقی پرچم نذر آتش کیا اور اس تقریب کو فیس بک پر لائیو اسٹریم کیا۔

کوپن ہیگن میں پیش آنے والے واقعے کے ردعمل میں عراقی وزارت خارجہ نے ڈنمارک میں عراقی سفارت خانے کے سامنے قرآن پاک اور جمہوریہ عراق کے پرچم کے خلاف بدسلوکی کے واقعے کی سخت الفاظ میں مذمت کی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/07/350155/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/07/350155/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں