بالی وڈ اداکار شاہ رخ خان کی فلم جوان کا نیا پوسٹر جاری کردیا گیا۔

فلم جوان کے حالیہ جاری کردہ پوسٹر میں مرکزی کردار نبھانے والی نین تارا کو دکھایا گیا ہے جس میں وہ جدید ہتھیار اٹھائے کمانڈو پوز میں نظر آرہی ہیں جبکہ انھوں نے آنکھوں پر سیاہ چشمہ بھی لگایا ہوا ہے۔

پوسٹر کو دیکھ کر اندازہ لگایا جا سکتا ہے کہ اداکارہ نین تھارا اس میں ایکشن سے بھرپور کردار میں جلوہ گر ہونے والی ہیں۔

تاہم حالیہ پوسٹر نے شائقین کے انتعظار کو مزید بڑھا دیا ہے۔

شاہ رخ خان کی آنے والی فلم جوان مداحوں میں کافی جوش و خروش پیدا کر رہی ہے۔

فلم “جوان” میں نین تارا اور شاہ رخ خان کو ایکشن کے ایک الگ ہی لیول پر دکھا گیا ہے۔

اسکرین پر نین تارا کو ایک پولیس اہلکار کا کردار ادا کرتے ہوئے دیکھنا، یقیناً شائقین فلم کے لیے ایک بڑی خاص بات ہوگی.

فلم جوان کو ریڈ چلیز انٹرٹینمنٹ نے پروڈیوس کیا ہے اور اسے ایٹلی نے ڈائریکٹ کیا ہے۔

واضح رہے کہ گوری خان اور گورو ورما کی جانب سے مشترکہ طور پر پروڈیوس کی جانے والی فلم 7 ستمبر کو بھارتی سنیمائوں کی زینت بنے گی جسے ہندی، تامل اور تیلگو زبانوں میں ریلیز کیا جائے گا۔