پروٹین جسم کی صحت کے لیے ایک لازمی جز ہے۔ یہ پٹھوں، ہڈیوں اور جلد کو بنانے اور ان کی صحت کو برقرار رکھنے کے لیے میں اہم کرادار ادا کرتا ہے۔

اگرچہ پروٹین کو زیادہ تر جانوروں جیسے گوشت، انڈے اور دودھ سے حاصل کیا جاتا ہے تاہم اس ضمن میں کچھ سبزیاں بھی نہایت اہمیت رکھتی ہیں جو پروٹین کا بہترین اور متبادل ذرائع ثابت ہوتی ہیں۔ اپنی خوراک میں پودوں پر مبنی پروٹین کو شامل کرنے سے  نہ صرف آپ کو اپنی پروٹین کی ضروریات کو پورا کرنے میں مدد مل سکتی ہے بلکہ ان میں موجود جسم کے لیے ضروری وٹامنز، معدنیات، فائبر اور مفید پودوں کے مرکبات بھی حاصل ہوسکتے ہیں جوصحت مند رہنے کے لیے درکار ہیں۔

دالیں

دال، مٹر، اور پھلیاں پروٹین سے بھرپور سبزیاں ہیں، ان سبزیوں میں پائے جانے والے فائبر، فولیٹ، پوٹاشیم اور دیگر ضروری غذائی اجزاء  گوشت، پولٹری اور مچھلی کی طرح غذائیت رکھتے ہیں۔

پالک

پالک کو سب سے زیادہ غذائیت سے بھرپور سبزیوں میں سے ایک تصور کیا جاتا ہے۔ ایک کپ پکی ہوئی پالک میں صرف 49 کیلوریز کے ساتھ 6 گرام پروٹین ہوتی ہے۔پالک بیماریوں سے لڑنے والے اینٹی آکسیڈنٹس، وٹامنز اور معدنیات سے بھی بھرا ہوا ہوتا ہے جو آپ کی صحت کے لیے ضروری سمجھے جاتے ہیں۔

چنے

چنے ایک سستی، غذائیت سے بھرپور پھلیاں ہیں۔ پکے ہوئے چنے کا ایک کپ 14.5 گرام پروٹین فراہم کرتا ہے، جس میں 45 فیصد DV فائبر ہوتا ہے۔ ان میں وٹامنز، معدنیات اور پولیفینول بھی زیادہ  مقدار میں موجود ہوتے ہیں جوکہ ایک طاقتور اینٹی آکسیڈینٹ ہیں۔

سیاہ پھلیاں

کالی پھلیوں کو بہت سے لوگ شوق سے کھاتے ہیں۔ ایک کپ پکی ہوئی کالی پھلیوں میں 15.2 گرام پروٹین اور 15 گرام فائبر ہوتا ہے۔ کالی پھلیاں آئرن، میگنیشیم، فاسفورس اور پوٹاشیم جیسے غذائی اجزاء بھی فراہم کرتی ہیں۔

بروکولی

بروکولی میں دیگر سبزیوں کی نسبت زیادہ پروٹین  موجود ہوتا ہے ایک درمیانی پکی ہوئی بروکولی 4 گرام پروٹین فراہم کرتی ہے۔ اس میں وٹامن سی بھی ہوتا ہے، یہ ایک قدرتی اینٹی آکسیڈینٹ ہے جو پودوں کے ذرائع سے جذب ہونے والے آئرن کی مقدار کو بڑھا سکتا ہے۔ وٹامن سی صحت مند مدافعتی نظام اور کولیجن کی پیداوار کے لیے بھی اہم ہے، جو کہ زخم کی شفا یابی اور جلد کی صحت کے لیے ضروری پروٹین ہے ۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/07/404468/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/07/404468/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں