فیصل مسجد کے احاطے میں قلفی بیچنے والے ریڑھی بان فرمان اللہ کے ضمانتی مچلکے جمع کرائے جا رہے ہیں جس کے بعد آج انکی جیل سے رہائی کا امکان ہے۔

تفصیلات کے مطابق اسلام آباد ہائی کورٹ نے گزشتہ روز ضمانت منظورکی لیکن مچلکے جمع نہ ہونے کے باعث رہائی ممکن نہ ہو سکی تھی۔

وفاقی ترقیاتی ادارے کے اسپیشل مجسٹریٹ کی عدالت سے 11 جولائی کو ناجائز تجاوزات اور بھتہ خوری کے الزام میں تین ماہ قید بامشقت اور پانچ لاکھ روپے جرمانے کی سزا پانے والے فرمان اللہ کی آج رہائی کا امکان ہے۔

سی ڈی اے کی عدالت سے سزا کے بعد انہیں اڈیالہ جیل منتقل کر دیا گیا تھا، فرمان علی نے اسلام آباد ہائیکورٹ میں ضمانت کی درخواست دائر کی جس پر جسٹس طارق محمود جہانگیری نے سماعت کر کے ضمانت منظور کرتے ہوئے رہائی کا حکم دیا تھا۔

سی ڈی اے نے فرمان اللہ کے خلاف بھتہ خوری اور سرکاری اراضی پر قبضے کا چالان مجسٹریٹ کی عدالت میں پیش کیا تھا جس کی بنیاد پر ریڑھی بان کو سزا سنا دی گئی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/07/476890/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/latest/2023/07/476890/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔