فردوس عاشق اعوان کا کہنا ہے کہ اعظم خان کا بیان آنکھیں کھولنے کے لیے کافی ہے۔ میڈیا میں اعظم خان کا بیان زیربحث ہے۔

ترجمان استحکام پاکستان پارٹی فردوس عاشق اعوان نے نیوز کانفرنس میں کہا ہے کہ چیئرمین پی ٹی آئی کی ڈرامے بازی سامنے آ چکی ہے، میڈیا میں اعظم خان کا بیان زیربحث ہے۔

فردوس عاشق اعوان نے کہا کہ وزیراعظم ہاؤس میں سیاستدانوں کی بے توقیری کی گئی، سائفر کے نام پر سادہ کاغذ لہرانے کی فلم سب نے دیکھی، اداروں کو ذاتی مقاصد کے لیے کمزور کرنے کی سازش کی گئی۔

ترجمان استحکام پاکستان پارٹی نے کہا کہ اعظم خان کا سکندرِ اعظم کے حوالے سے بیان سامنے آیا ہے، جیسے مکڑی جال بن کر حصار بناتی ہے اعظم خان نے بھی ویسا ہی کیا۔ قوم کو من گھڑت، منفی بے بنیاد پروپگینڈا کا شکار بنایا گیا۔

انھوں نے کہا کہ عوام کو ریلیف نہیں ملے گا تو لوگ متنفر ہوں گے، اعظم خان کا بیان آنکھیں کھولنے کے لیے کافی ہے۔ وزیراعظم ہاؤس میں اداروں کے خلاف سازش ہوتی رہی ہے۔

پورے گینگ کو آرٹیکل چھ کے تحت کٹہرے میں لایا جائے، سائفرڈراما عوام کو گمراہ کرنے کا ایجنڈا تھا، اعظم خان کے روڈ میپ نے پاکستان کو عدم استحکام کے راستے پر ڈالا، ملک سے غداری کرنے والوں کو آئنی شکنجے میں لایا جائے۔

عوامی مسائل حل نہیں ہوں گے تو نمائندوں کے خلاف ری ایکشن ہوگا، پی ٹی آئی کے دور میں بیڈ گورننس کے چرچے تھے، اداروں کے خلاف بدگمانیاں پیدا کی گئیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/07/491664/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/07/491664/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔