لاہورہائی کورٹ راولپنڈی بنچ نے شہریارآفریدی کی درخواست ضمانت منظورکرلی۔

تفصیلات کے مطابق لاہورہائی کورٹ راولپنڈی بنچ میں پاکستان تحریک انصاف کے رہنما شہریار آفریدی کی ضمانت کی درخواست پرسماعت ہوئی۔

شہریارآفریدی کی جانب سے ایڈووکیٹ شیر افضل خان مروت اور ایڈووکیٹ چودھری اشتیاق عدالت میں پیش ہوئے۔

کیس کی سماعت لاہور ہائی کورٹ کے ڈویژن بنچ جسٹس انوارالحق پنُو اور جسٹس صفدر سلیم شاہد نے کی۔ سرکارکی طرف سے اسپیشل پراسیکیوٹر چودھری اکرام منہاس عدالت میں پیش ہوئے۔

شہریارآفریدی کو نو مئی جی ایچ کیو حملہ کیس میں نامزد کیا گیا تھا۔ ڈویژن بنچ نے شہریار آفریدی سمیت سات دیگر ملزمان کی ضمانت بعد از گرفتاری منظور کرلی۔

لاہورہائی کورٹ راولپنڈی بنچ نے ملزمان کو دو دو لاکھ مچلکے جمع کرانے کی ہدایت کردی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/07/532402/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/latest/2023/07/532402/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔