ایس ای 100 انڈیکس میں 2755 پوائنٹس کا اضافہ ریکارڈ کیا گیا۔ 

تفصیلات کے مطابق پاکستان اسٹاک مارکیٹ میں زبردست تیزی کا رجحان دیکھنے میں آیا، گزشتہ ہفتے کے ایس ای 100 انڈیکس 2755 پوائنٹس کا اضافہ ریکارڈ کیا گیا۔

100 انڈیکس 44 ہزار 207 پوائنٹس کی سطح پر بند ہوا۔ مارکیٹ کیپٹلائزیشن 324 ارب روپے بڑھ کر 6815 روپے ہوگئی۔

بیرونی سرمایہ کاروں کی جانب سے حصص کی خریداری میں 4.7 ملین ڈالرز تک ریکارڈ کیا گیا جو اس سے قبل 1.3 ملین ڈالرز ریکارڈ کی گئی تھی۔

اوسط کاروباری حجم 47 فیصد اضافے سے 340 ملین ریکارڈ کی گئی۔

چینی کی قیمت میں اضافہ

دوسری جانب کراچی کی ہول سیل مارکیٹ میں چینی کی قیمت میں اضافہ ہوا ہے۔ ایک ہفتے کے دوران چینی کی 50 کلو بوری 250 روپے مہنگی ہوئی ہے۔

ہول سیل مارکیٹ میں 50 کلو چینی کا بیگ 6250 روپے سے بڑھ کر 6500 روپے کا ہوگیا۔

ایک ہفتے کے دوران چینی کی قیمت میں پانچ روپے فی کلو اضافہ ہوا جبکہ ہول سیل میں چینی کی فی کلو قیمت 130 روپے فی کلو تک پہنچ گئی۔

بجٹ سے قبل چینی کی قیمت 121 روپے فی کلو تھی۔ ریٹیل میں چینی کی قیمت 132 سے 133 روپے فی کلو ہے۔