سائنسی تحقیق کی بدولت زندگی سہل ہوگئی ہے اور کئی مسائل کے حل تلاش کر لیے گئے ہیں تاہم انسان زندگی میں اضافے کے لیے اب بھی کچھ اچھی عادات کا محتاج ہے جو اسے صحت مند رکھنے ساتھ اس کی عمرکو بڑھا سکے۔  

امریکی تحقیق میں آٹھ ایسی عادات کا انکشاف ہوا ہے جو آپ کی زندگی کو 24 سال تک بڑھا دیتی ہیں۔ درمیانی عمر میں ان آٹھ صحت مند عادات کو اپنانا آپ کی زندگی کو دہائیوں تک بڑھا سکتا ہے۔

ماہرین نے صحت مند طرز زندگی کی جن آٹھ اہم عادات کا جائزہ لیا ان میں سگریٹ نوشی نہ کرنا، اچھی خوراک لینا، بھرپور نیند لینا اور تناؤ کا انتظام کرنا، ساتھ ہی جسمانی طور پر متحرک رہنا، دوسرے لوگوں کے ساتھ مثبت سماجی تعلقات رکھنا اور نشہ نہ کرنا شامل ہیں۔

ایک تحقیق کے مطابق 40 برس کی خواتین اگران آٹھوں عادات کو اپناتی ہیں تو یہ ان کی زندگی کو اوسطاً 21 سال تک بڑھا سکتی ہے بہ نسبت ایسی خواتین کے جن میں یہ عادات موجود نہ ہو۔

اسی طرح  ان تمام آٹھ عادات کے ساتھ 40 برس کے مرد حضرات بھی اوسطاً 24 سال تک اپنی زندگی کو بڑھا سکتے ہیں۔

واضح رہے کہ اس تحقیق میں امریکہ کے تقریباً 720,000 فوجیوں کی طرز زندگی کے حوالے سے  سوالناموں پر مشتمل سروے کے نتایج اور طبی ریکارڈ کا تجزیہ کیا گیا جن کی عمریں40  سے 99 برس کے درمیان تھی ۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/07/586064/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/07/586064/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں