قومی کرکٹ ٹیم کے سابق کپتان شاہد آفریدی کا کہنا ہے کہ بھارت میں ہونے والے ورلڈکپ میں عمر اکمل کی شمولیت سے متعلق میری سپورٹ انہیں حاصل نہیں ہے۔ 

ایک انٹریو میں پاکستان کرکٹ ٹیم کے سابق چیف سلیکٹر شاہد خان آفریدی نے قومی ٹیم کے مڈل آرڈر بلے باز عمر اکمل کی بھارت میں شیڈول ورلڈکپ کے لیے اسکواڈ میں شمولیت سے متعلق سوال پر کہا کہ فی الحال مجھے عمر اکمل کی ٹیم میں جگہ نہیں نظر آرہی ہے۔

سابق کپتان شاہد آفریدی نے کہا کہ عمر اکمل میرے پسندیدہ کھلاڑیوں میں رہا ہے لیکن اُس نے اپنی فٹنس پر دھیان نہیں دیا اور قومی ٹیم میں اس وقت عمر اکمل کی شمولیت کے حوالے سے میری سپورٹ نہیں، انہیں دیگر پلئیرز کے مقابلے اپنی فٹنس پر بہت کام کرنے کی ضرورت ہے۔

انہوں نے مزید کہا کہ عمر اکمل میں بہت ٹیلنٹ ہے لیکن اگر وہ قومی ٹیم میں کم بیک کرنا چاہتے ہیں، تو انہیں پہلے اپنی فٹنس ثابت کرنا ہوگی۔