ملائکہ اروڑا کی فٹنس کے حوالے سے ویڈیو وائرل

بالی وڈ کی ڈانسر اور اداکارہ ملائکہ اروڑا کی فٹنس کے حوالے سے ویڈیو سوشل میڈیا پر وائرل ہو گئی۔

اداکارہ ملائکہ اروڑا کی ایک ویڈیو سوشل میڈیا پروائرل ہو رہی ہی جس میں انہیں جم جاتے ہوئے دیکھا جا سکتا ہے۔

یاد رہے اداکارہ ملائکہ اروڑا نے یوگا کے عالمی دن کے موقع پر پوسٹ کی جانے والی ویڈیو کی کیشن میں سوال کیا تھا کہ آپ یوگا کرتے ہیں یا نہیں؟

یادرہے کہ یوگا کا عالمی دن 21 جون کو منایا جاتا ہے اس کا فیصلہ اقوام متحدہ جنرل اسمبلی نے 11 دسمبر 2014ء کو کیا تھا۔

یوگا ایک جسمانی، ذہنی اور روحانی مشق ہے، یوگا کا لفظ سنسکرت زبا ن سے نکلا ہے ، جس کے معنی ہیں قابو پانا اور جوڑ کررکھنا۔

سانس اور جسم کی ورزشو ں اور مراقبے کے ذریعے اپنے نفس پر قابو پانےاور صحت مندزندگی گزارنے کیلئے یوگا ایک مثبت سرگرمی سمجھی جاتی ہے۔

اس سے جسم کے تمام افعال بہتر ہوتے ہیں جبکہ ذہنی او ر نفسیاتی صحت پر بھی بہترین اثرات مرتب ہوتے ہیں۔

امریکی ریسرچ کے مطابق یوگا کے دوران جب گہری سانس کھینچ کر آہستہ آہستہ باہر چھوڑی جاتی ہے تو اس سے ذہنی دبائو کم کرنے میں مدد ملتی ہے۔

مزید یہ کہ باقاعدگی سے یوگا کی عادت انسان کو طویل عمر تک متحرک، جوان اور صحت مند رکھتی ہے۔

واضح رہے کہ یوگا سرگرمی دماغ میں موجود اسٹریس ہارمونز کم کرکے موڈ کو خوشگوار بناتی اور ذہنی سکون فراہم کرتی ہے۔