آئی سی سی مالیاتی ماڈل سے پی سی بی کو 5.75 فی صد حصہ ملے گا جو اربوں روپے ہے۔

تفصیلات کے مطابق پاکستان کرکٹ بورڈ کو 2024-27 میں آئی سی سی کے مالیاتی ماڈل سے 34.51 ملین ڈالرز ملیں گے، جو آئی سی سی کی کل آمدنی کا 5.75 فی صد حصہ ہے۔

جبکہ بھارتی کرکٹ بورڈ بی سی سی آئی کو 2024-27 میں آئی سی سی کی کل آمدنی کا 38.5 فیصد ملے گا۔

واضح رہے کہ انٹرنیشنل کرکٹ کونسل (آئی سی سی) کی جانب سے 600 ملین ڈالر کے پول کی آمدنی میں حصہ لینے کا اعلان کیے جانے پر پاکستان کرکٹ بورڈ نے اعتراض بھی اٹھایا ہے۔

بھارتی کے بورڈ آف کنٹرول فار کرکٹ (بی سی سی آئی) کو آئی سی سی مالیاتی پول سے سب سے زیادہ حصہ ملا، جس نے 230 ملین امریکی ڈالر کمائے، جو آئی سی سی کی مجموعی آمدنی کا 38.5 فیصد بنتا ہے۔

دوسری جانب پی سی بی نے مجموعی رقم کا 5.75 فیصد حاصل کیا اور 2024-27 کے دوران 34.51 ملین ڈالر کمائے۔

اگرچہ پی سی بی کے حصے میں پہلے کی کمائی سے تقریبا دوگنا اضافہ ہوا ہے ، لیکن بورڈ نے موجودہ نظام پر عدم اطمینان کا اظہار کیا جو آمدنی کے حصے کا فیصلہ کرتا ہے۔

پی سی بی کی جانب سے جاری بیان میں کہا گیا ہے کہ پی سی بی نے اپنے آئینی حق کے مطابق گزشتہ چند ہفتوں اور آئی سی سی کے اجلاسوں میں مسلسل اضافی معلومات طلب کی ہیں تاکہ ہر معیار کو اہمیت دینے اور تقسیم کے حساب کے پیچھے کی منطق کو بہتر طور پر سمجھا جا سکے۔

پی سی بی کا کہنا ہے کہ تمام متعلقہ معلومات، ڈیٹا اور فارمولے کی عدم موجودگی میں اتنا اہم فیصلہ جلد بازی میں نہیں کیا جانا چاہیے۔

پی سی بی نے تجویز پیش کی تھی کہ ماڈل کی منظوری کے لیے ووٹنگ کا عمل آئی سی سی کے اگلے اجلاس تک ملتوی کردیا جائے۔ تاہم دیگر اراکین نے پاکستان بورڈ کی تجویز سے اتفاق نہیں کیا جس کی وجہ سے آئی سی سی نے اس ماڈل کو حتمی شکل دی۔

اگرچہ پی سی بی ریونیو ماڈل سے متفق نہیں ہے لیکن اس نے اس حقیقت کا خیرمقدم کیا ہے کہ بورڈ پہلے کے مقابلے میں دوگنا رقم حاصل کرے گا۔

بیان میں مزید کہا گیا کہ بالآخر ارکان کی اکثریت نے اس آئٹم کو مؤخر کرنا ممکن نہیں سمجھا اور ماڈل کی منظوری کے حق میں ووٹ دیا جبکہ پی سی بی نے اپنے اختلاف کو اصولی طور پر ریکارڈ کیا۔

انہوں نے کہا کہ آمدنی میں اضافے کا مطلب یہ ہوگا کہ کرکٹ کی صلاحیتوں کو فروغ دینے کے لئے کہیں زیادہ سرمایہ کاری کی جاسکتی ہے اور یہ پاکستان کرکٹ کو نئی بلندیوں پر لے جانے میں فائدہ مند ثابت ہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/07/695154/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/07/695154/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں