فلم ”راکی اور رانی کی پریم کہانی“   کے شائقین کا انتعظار ہو ختم ، فلم 28 جولائی کو بڑے پردے پر ریلیز کر دی جائے گی۔

غیر ملکی خبر رساں ادارے کے مطابق گزشتہ روز ریلیز ہونے والی  فلم ”راکی اور رانی کی پریم کہانی“کی ایڈوانس بکنگ پیر سے شروع کی گئی تھی اور منگل تک تقریباً اس فلم کے 25  ہزار سے زائد ٹکٹ فروخت ہو گئے۔

تاہم توقع کی جارہی کہ یہ فلم پہلے دن 11 سے 13 کروڑ بھارتی روپے کا بزنس کرنے میں کامیاب ہوجائے گی۔

کرن جوہر کی ہدایت کاری میں بننے والی فلم ”راکی اور رانی کی پریم کہانی“ کی ایک خصوصی سکریننگ منگل کو ممبئی میں منعقد ہوئی جس میں بالیووڈ کے نامور فنکاروں نے شرکت کی۔

فلم کے پریمیئر کی اس تقریب میں رنویر سنگھ اور عالیہ بھٹ پر مشتمل مرکزی کاسٹ کے علاوہ عالیہ بھٹ کے شوہر رنبیر کپور، وکی کوشل اور کترینہ کیف، سارہ علی خان اور انکے بھائی ابراہیم علی خان بھی شریک تھے۔

واضح رہے کہ فلم راکی اور رانی کی پریم کہانی میں عالیہ بھٹ نے ایک بنگالی لڑکی اور رنویر نے پنجابی لڑکے کا کردار ادا کیا ہے جبکہ دیگر قابل ذکر اداکاروں میں جیا بچن اور شبانہ اعظمی بھی شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/07/729130/amp/ کو لائک کریں