دپیکا پڈوکون بالی ووڈ کی انتہائی مقبول اداکارہ ہیں جنہوں نے نہ صرف اپنی لاجواب اداکاری بلکہ اپنے سحرزدہ کردینے والے حسن سے لاکھوں دلوں کو اپنا گرویدہ بنالیا ہے۔

دپیکا نے بالی ووڈ  کے مشہور اداکار رنویر سنگھ سے شادی کی ہے اس جوڑی کو فلم انڈسٹری کی مقبول ترین جوڑیوں میں شمار کیا جاتا ہے۔

دپیکا بے حد خوبصورت اور نہایت سادہ مزاج رکھتی ہیں اسی طرح وہ اپنی جلد کی حفاظت میں ایک سادہ مگر اہم روٹین کو فالو کرتی ہیں۔

دیپیکا پڈوکون کے اسکن کیئر میں صرف تین مراحل شامل ہیں جس پر وہ روزانہ عمل کرتی ہیں، ان میں پہلے جلد کی صفائی، ہائیڈریٹ اور پھر پروٹیکٹ کرنا۔

دپیکا کا کہنا ہے کہ اگر آپ تین باتوں پر ہی عمل کرلیں تو آپ کی جلد ہمیشہ جواں اور خوبصورت رہے گی۔

اداکارہ نے انکشاف کیا کہ انہوں نے اپنے ماڈلنگ اور اداکاری کے کیریئر کا آغاز کرنے کے بعد بیس کی دہائی میں اپنی جلد میں کافی نمایاں تبدیلیاں دیکھیں جن میں داغ دھبے، جھریاں اور  گہری رنگت۔ یہ سب باہر دھوپ میں شوٹنگ اور سخت موسمی حالات میں سفر کرنے کا نتیجہ تھا کیونکہ وہ 16 برس کی عمر تک ایک پیشہ ور بیڈمنٹن کھلاڑی رہ چکی تھیں۔

دپیکا اتنی مصروف زندگی میں بھی اپنی جلد کی دیکھ بھال کرنا نہیں بھولتی کیونکہ وہ اس طرح خود کو  توانا محسوس کرتی ہیں۔ دپیکا کا کہنا ہے کہ جلد کے حفاظت کا یہ عمل چاہے تیس سیکنڈ کا ہو یا تیس منٹ کا ہو ضرور کرنا چاہئے اور اپنی دیکھ بھال میں وقت ضرور صرف کرنا چاہئے۔

دپیکا کی طرح سادہ اور موثر اسکن کیئر روٹین پر عمل کرنے کے لیے، اپنے چہرے کو ایسے کلینزر سے دھوئیں جو آپ کی جلد کی قسم کے مطابق ہو۔ اگلا مرحلہ اپنی جلد کو مناسب موئسچرائزر سے ہائیڈریٹ کرنے کا ہے۔ آپ ہائیڈریٹنگ سیرم جیسے ہائیلورونک ایسڈ یا سنیل میوسن بھی شامل کرسکتے ہیں۔ اور آخر میں اہم بات یہ ہے کہ اپنی جلد کو براڈ اسپیکٹرم سن اسکرین سے تحفظ دیں۔ مزید برآں، ہر 3-4 گھنٹے کے بعد سن اسکرین کو دوبارہ لگانا نہ بھولیں۔

کام کے لحاظ سے، دیپیکا پڈوکون آخری بار فلم پٹھان میں نظر آئی تھیں۔ ان کے آنے والے پروجیکٹس میں جوان، فائٹر اور کالکی شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/07/770862/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/07/770862/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں