صاف شفاف جلد چہرے پر ہمیشہ حسن بن کر جھلکتی ہے اور اس حسن کا راز چھپا ہے کچھ مخصوص غذاؤں میں جیسے کہ مختلف پھلوں اور سبزیوں سے تیاراسمودی۔

جب آپ صحت مند ہوتے ہیں تو آپ کے چہرے کی جلد بھی صحت مند اور چمکدار دکھائی دیتی ہے۔ تاہم جیسے جیسے عمر بڑھتی ہے چہرے کی جلد اپنی لچک اور کولیجن کھونے لگتی ہے۔

اسمودی جن اجزاء سے تیار کی جاتی ہے وہ انتہائی صحت بخش ہوتے ہیں جوآپ کو صحت مند رکھنے کے ساتھ جلد کی دلکشی کو بھی بڑھاتے ہیں۔

اسمودی کسی بھی ملک شیک کے مقابلے میں قدرے گاڑھا مشروب کہلاتی ہے جو کہ تازہ پھل، سبزیوں، ان کے جوس، دودھ یا دہی ڈال کر تیارکی جاتی ہے۔ اس میں چینی اوردودھ کا ستعمال کم کیا جاتا ہے جبکہ ان کی جگہ بھی پھلوں اور سبزیوں کا رس اور مٹھاس کے لیے شہد کو ترجیح دی جاتی ہے۔

سبزیوں اور پھلوں کے اس خصوصی مرکب کا استعمال کرتے ہوئے صرف چند ہفتوں میں آپ کی جلد خوبصورت اور جواں نظر آئی گی۔

حسین جلد کے لیے صحت بخش اسموتھی

اجزاء:

 2  پکے ہوئے آڑو یا بیر

  1 پپیتا بشمول بیج

 1 ٹکڑا تازہ ادرک کا

 1 کیلا

 1/2 چھلا ہوا لیموں

تازہ ناریل بشمول اس کا پانی

سجاوٹ کے لیے تازہ پودینے کے پتے

بنانے کا طریقہ:

ان اجزاء کو بلینڈر میں ڈال اچھی طرح بلینڈ کریں اس طرح ایک صحت بخش  اسمودی تیار ہوجائے اسے پودینے کے پتے سے سجا کراستعمال کریں۔ اس طاقت ور اسمودی کے استعمال سے آپ کی مجموعی صحت کے ساتھ چند ہفتوں میں جلد بھی نکھر جائے گی۔