چیئرمین تحریکِ انصاف اوران کی اہلیہ کے خلاف 190 ملین پاؤنڈ کے کیس کی سماعت یکم اگست تک ملتوی کردی گئی۔

تفصیلات کے مطابق اسلام آباد کی احتساب عدالت میں چئیرمین پی ٹی آئی اور ان کی اہلیہ بشری بی بی احتساب عدالت کے جج محمد بشیرکی عدالت میں پیش ہوئے۔

چیئرمین پی ٹی آئی اور بشری بی بی 190 ملین پاؤنڈ کیس میں عدالت پیش ہوئے، چئیرمین پی ٹی آئی توشہ خانہ نیب انکوائری میں بھی جج محمد بشیر کی عدالت میں پیش ہوئے۔

احتساب عدالت کے جج جسٹس محمد بشیر کی رخصت کے باعث سماعت ملتوی کی گئی۔

جج کی چھٹی کے باعث عدالتی عملے نے سماعت 1 اگست تک ملتوی کی۔

چیئرمین پی ٹی آئی اسلام آباد انسداد دہشتگردی عدالت میں بھی پیش ہوئے، جج ابوالحسنات محد ذوالقرنین کی رخصتی کے باعث سماعت ملتوی کردی گئی۔

چیئرمین پی ٹی آئی کو عبوری ضمانت میں 15 اگست تک توسیع کردی گئی، چیئرمین پی ٹی آئی تھانہ کھنہ اورتھانہ بھارہ کہو کے مقدمہ میں پیش ہوئے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/07/920726/amp/ کو لائک کریں