سابق بھارتی کپتان اور نامور کپتان سارو گنگولی نے بھارت میں ہونے والے ورلڈکپ کے سیمی فائنل تک رسائی حاصل کرنے والی ٹیموں کے نام بتادیے۔ 

بھارتی میڈیا کے مطابق بی سی سی آئی کے سابق صدر سارو گنگولی نے ایک پروگرام کے دوران رواں سال بھارت میں ہونے والے میگا ایونٹ کے لیے سیمی فائنل کی 4 کے بجائے 5 ٹیموں کے نام بتائے۔

51 سالہ سابق بھارتی کپتان نے کہا کہ یہ کہنا قبل از وقت ہے کہ کون سی ٹیمیں ورلڈکپ کےک سیمی فائنل میں پہنچیں گی تاہم آسٹریلیا، انگلینڈ اور بھارت کے علاوہ نیوزی لینڈ بھی ایک مضبوط امیدوار ہے جب کہ میری پانچویں ٹیم پاکستان ہے۔

انہوں نے خواہش ظاہر کی کہ سیمی فائنل کا ایک مقابلہ روایتی حریف یعنی پاکستان اور بھارت کے درمیان ہونا چاہیے۔

واضح رہے کہ 5 اکتوبر سے بھارت میں شروع ہونے والے میگا ایونٹ کے دوسرے سیمی فائنل کی میزبانی 16 نومبر کو ایڈن گارڈن کرے گا اور پہلا سیمی فائنل ممبئی میں ہوگا، لیگ مرحلے میں بھارت 15 اکتوبر کو پاکستان سے کھیلے گا۔