اداکار دلقیر نے سونم سے متعلق رانا دگوپتی کے تبصرے پر اپنی رائے بیان کر دی۔

غیر ملکی خبر رساں ادارے کے مطابق حیدر آباد میں دلقیر سلمان کی فلم کنگ آف کوٹھا کے پروموشنل پروگرام کے دوران رانا دگوپتی کے بیان نے نیا محاذ کھول دیا تھا۔

دراصل ایسا صرف اس لیے ہوا کہ اُن کا اشارہ اداکارہ سونم کپور کی طرف تھا، رانا دگوپتی نے اپنے تبصرے میں کہا تھا کہ دلقیر کو اُن کی ساتھی اداکارہ نے کافی ٹف ٹائم دیا۔

اداکار نے تبصرے کے دوران پوری کوشش کی کہ وہ کسی کا نام نہ لیں، لیکن یہ واضح تھا کہ بات سونم کپور کی ہی ہورہی ہے۔

تاہم جب بات بڑھ گئی تو رانا دگوپتی نے بلا تاخیر سونم کپور سے سوشل میڈیا کے ذریعے معافی مانگ لی۔

دلقیر سلمان جو رانا اور سونم کے تنازع میں خود کو غیر جانبدار رکھے ہوئے تھے، انہوں نے حالیہ انٹرویو میں کہا کہ یہ رانا کی ذاتی رائے تھی، وہ اس تنازع میں کودنا نہیں چاہتے۔

 دراصل میں اپنی ساتھی اداکارہ سمیت ہر ایک کو پسند کرتا ہوں، یہی میرے دوستوں کا شاندار گروپ ہے۔

ان کا کہنا تھا کہ مجھے یقین ہے کہ رانا جو کچھ کہنا چاہتا تھا وہ اس پر غور نہیں کرسکا، یہی وجہ ہے کہ اُس نے معافی مانگی، وہ ایک قریبی دوست ہے اور فکر مند بھی، اس لیے اُس نے وضاحت دی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/100679/amp/ کو لائک کریں