بالی وڈ میں کئی ایسے ستارے ہیں جن کے پاس ہندوستانی شہریت نہیں ہے۔

آج ہم آپ کو ان 6 اداکاراؤں کے بارے میں بتانے جا رہے ہیں، جو گذشتہ کئی سالوں سے بالی وڈ میں کام کر رہی ہیں، لیکن ان کے پاس ابھی تک بھارتی شہریت نہیں ہے۔

جیکولین فرنینڈس

جیکولین کی پیدائش اور پرورش بحرین میں ہوئی۔ سڈنی یونیورسٹی سے ماس کمیونیکیشن میں گریجویشن کرنے اور سری لنکا میں ٹیلی ویژن رپورٹر کے طور پر کام کرنے کے بعد، اس نے ماڈلنگ انڈسٹری میں شمولیت اختیار کی۔

انہیں 2006 میں مس یونیورس سری لنکا کا تاج پہنایا گیا اور مس یونیورس 2006 میں اپنے ملک کی نمائندگی کی۔ وہ گذشتہ کئی سالوں سے ہندوستان میں ہیں اور مسلسل بالی وڈ فلموں میں کام کر رہی ہیں تاہم میڈیا رپورٹس کے مطابق انہیں اب تک ہندوستانی شہریت نہیں ملی ہے۔

کترینہ کیف

 بالی وڈ کی مشہور اداکارہ کترینہ کیف کا نام بھی اس فہرست میں شامل ہے۔

سنی لیونی

سنی لیونی کا اصل نام کرنجیت کور ووہرا ہے، جو کینیڈا میں ایک ہندوستانی سکھ گھرانے میں پیدا ہوئیں، تاہم وہ گذشتہ کئی سالوں سے ہندوستان میں ہیں اور ہندوستانی فلموں اور شوز میں کام کرتی نظر آتی ہیں، لیکن ان کے پاس ہندوستان کی شہریت نہیں ہے۔

نرگس فخری

نرگس فخری ایک امریکی اداکارہ اور ماڈل ہیں جو بنیادی طور پر بالی ووڈ فلموں میں کام کرتی ہیں۔ لیکن اب تک ان کے پاس ہندوستان کی شہریت نہیں ہے۔

ایلی ایورام

ایلی ایورام ایک سویڈش-یونانی اداکارہ ہیں، لیکن وہ گذشتہ کئی سالوں سے ہندوستان میں رہ رہی ہیں اور ہندوستانی فلم انڈسٹری کے لیے کام کر رہی ہیں۔ اس کے ساتھ ہی ایلی کے پاس بھی ہندوستان کی شہریت ابھی تک نہیں ہے۔

ہیزل کیچ

ہیزل کیچ کا نام بھی اس فہرست میں شامل ہے، جو ایک برطانوی اداکارہ اور ماڈل ہیں اور گذشتہ کئی سالوں سے بالی ووڈ فلموں اور ہندوستانی ٹی وی کے لیے کام کر رہی ہیں لیکن ہیزل کے پاس بھی ہندوستانی شہریت نہیں ہے۔

واضح رہے کہ بالی وڈ کے ‘کھلاڑی’ اکشے کمار کو ہندوستانی شہریت مل گئی ہے۔ یہ معلومات انہوں نے سماجی رابطے کی ویب سائٹ انسٹاگرام پر ایک پوسٹ کے ذریعے دی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/192077/amp/ کو لائک کریں