ترجمان دفترخارجہ کا کہنا ہے کہ بیجنگ میں جنوبی ایشیا پر پاک چین ڈی جی کی سطح کی مشاورت ہوئی۔

تفصیلات کے مطابق ترجمان دفتر خارجہ کی جانب سے پاک چین مشاورت سے متعلق بیان جاری کیا گیا جس میں ممتاززہرا بلوچ نے کہا ہے کہ جنوبی ایشیا پر پاک چین ڈی جی کی سطح کی مشاورت ہوئی،  مشاورت کے تیسرے دور کا انعقاد بیجنگ میں ہوا۔

ممتاززہرابلوچ نے کہا کہ وزارت خارجہ کے ڈی جی، جنوبی ایشیا الیاس محمود نظامی نے پاکستان کی نمائندگی کی۔ چینی وفد کی قیادت لیو جنسونگ، ڈی جی ایشیائی امور, چینی وزارت خارجہ نے کی۔

ترجمان دفتر خارجہ کی طرف سے جاری بیان میں کہا گیا کہ فریقین نے جنوبی ایشیا اور خطے میں ہونے والی وسیع تر پیش رفت پر تبادلہ خیال کیا، بات چیت میں باہمی افہام و تفہیم اورمشترکہ خیالات کا اظہار کیا گیا۔

ممتاززہرابلوچ کا کہنا ہے کہ بیجنگ دورے کے دوران ڈی جی الیاس نظامی نے معاون وزیر خارجہ نونگ رونگ سے بھی ملاقات کی، ملاقات میں پاک چین تعلقات کی مثبت سمت پر تبادلہ خیال کیا گیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/202955/amp/ کو لائک کریں۔