بھارت میں جاری ایشین ہاکی چیمپئنز شپ 2023 کے اہم میچ میں بھارت نے پاکستان کو 4-0 سے شکست دے دی۔

تفصیلات کے مطابق بھارت کے شہر چنئی میں جاری ایشین ہاکی چیمپئنز شپ کے اہم میچ میں روایتی حریف بھارت نے پاکستان کو 4-0 سے شکست دے کر سیمی فائنل کی دوڑ سے باہر کر دیا۔

میچ کے ابتدائی کوارٹر میں پاکستان نے جارحانہ انداز اپنایا اور بھارت کے گول پوسٹ پر تابڑ توڑ حملے کئے مگر گول کرنے میں ناکام رہے۔

بھارتی ہاکی ٹیم کے کپتان ہرمپیت سنگھ نے بھارت کی جانب سے میچ میں دو گول اسکور کئے، جبکہ جوگراج سنگھ اور اکشدیپ سنگھ نے ایک ایک گول اسکور کیا۔

پاکستانی ٹیم اپنی تمام تر کوششوں کے باوجود ایک بار بھی گیند کو گول پوسٹ میں نہ پہنچا سکی۔

پاکستان کے لیے یہ میچ ایونٹ میں سیمی فائنل تک رسائی حاصل کرنے کے لیے نہایت اہم تھا، مگر پاکستان اس میں کامیاب نہ ہو سکا۔

سیمی فائنل کی دوڑ سے باہر ہونے کے بعد اب پاکستان پانچویں پوزیشن کے لیے چین کے ساتھ نبرد آزما ہو گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/207920/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/08/207920/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں