پاکستان کرکٹر ٹیم کے فاسٹ بولر شاہنواز دھانی نے قومی ون ڈے ٹیم میں سلیکٹ نہ ہونے پر کی جانے والی سوشل میڈیا پوسٹ کو ڈیلیٹ کردیا۔

ایشیا کپ اور افغانستان سیریز کے لیے aسکواڈ میں شامل نہ کیے جانے پر شاہنواز دھانی نے ٹوئٹ میں کہا کہ ایک بھی صحافی یا کرکٹ تجزیہ کار نے سوال پوچھنے کی جرات نہیں کی، نہ ہی یہ اعداد و شمار سلیکٹرز کو دکھائے۔

جب سابق پاکستانی کپتان راشد لطیف نے اسکواڈ میں شامل پاکستانی فاسٹ بولرز کی لسٹ اے کارکردگی کے اعداد و شمار شیئر کیے تو اس فہرست میں بھی دھانی کا ذکر نہیں ہوا جس پر ردعمل دیتے ہوئے دھانی نے لکھا کہ ’لگتا ہے دھانی پاکستانی پیسرنہیں ہیں۔‘ بعد ازاں دھانی نے دونوں ٹویٹ ڈیلیٹ کر دیے۔

خیال رہے کہ شاہنواز دھانی نے اب تک پاکستان کے لیے دو ون ڈے میچوں میں ایک وکٹ حاصل کی ہے جبکہ وہ 11 ٹی ٹوئنٹی میچوں میں 8 وکٹیں لینے میں کامیاب رہے ہیں۔

 پی ایس ایل اور لسٹ اے میں ان کی نمایاں کارکردگی رہی ہے۔ انھوں نے قریب 24 کی اوسط کے ساتھ 31 لسٹ اے میچوں میں 56 وکٹیں بٹوری ہیں اور ایک قلیل فرسٹ کلاس کیریئر میں ان کی 35 وکٹیں ہیں۔

دوسری جانب پی سی بی کے قوائد و ضوابط کے تحت کھلاڑیوں کو سوشل میڈیا کے ذریعے بھی بورڈ کی پالیسی یا سلیکیشن پر تنقید کرنے سے روکا جاتا ہے۔

Dahani stands as a unique case, deserving of the utmost attention and careful handling by someone.The risk of losing him due to a lack of communication is a concern. #PakistanCricket

— Muhammad Wasim (@MuhammadWasim77) August 11, 2023

ادھر سابق چیف سلیکٹر محمد وسیم نے کہا کہ دھانی پر توجہ دینے اور انہیں بڑی احتیاط سے ہینڈل کرنے کی ضرورت ہے۔ انھوں نے کہا کہ ’رابطے کے فقدان کے باعث انھیں کھونے کا خطرہ باعث تشویش ہے۔‘

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/232673/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/08/232673/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں