رانی پور میں کمسن ملازمہ ہلاکت کیس میں ریسکیو کی گئی تین خواتین ملازمہ، 4 بچوں بھی عدالت میں پیش کردیے گئے۔

تفصیلات کے مطابق رانی پورمیں تشدد سے کمسن ملازمہ کی ہلاکت کے کیس میں حویلی سے ریسکیو کی گئی تین خواتین ملازمہ اور ان کے چار بچوں کو بھی عدالت میں پیش کردیا گیا۔

زیر تفتیش ایس ایچ او رانی پور، ہیڈ محرر، دو ڈاکٹرزاورکمپائونڈر کو عدالت میں پیش نہیں کیا جاسکا۔ سول جج اینڈ جوڈیشل مجسٹریٹ کی عدالت میں میں کمسن فاطمہ کے والدین بھی پیش ہوئے۔

پولیس کی جانب سے استدعا کی گئی کہ ملزم سے تفتیش جاری کے مزید 5روزہ جسمانی ریمانڈ دیا جائے۔

پولیس نے کمسن ملازمہ کی ابتدائی پوسٹ مارٹم رپورٹ بھی عدالت میں جمع کرائی۔

سماعت کے دوران مقتولہ فاطمہ کی والدہ نےعدالت سے استدعا کی کہ اسد شاہ کو ضمانت دینے کے بجائے جسمانی ریمانڈ پر پولیس کے حوالے کیا جائے۔ دو مرد ملازم ،ایک خاتون ملازمہ جو بچی کی لاش حویلی سے گھر لیکر آئے تھے انہیں بھی گرفتار کرکے تفتیش کی جائے۔

کم سن ملازمہ مقتولہ فاطمہ کی والدہ نے کہا کہ تین افراد ہمارے رشتے دار ہیں مگر شفاف تفتیش کیلئے ان سے بھی تفتیش کی جائے۔

پولیس نے کہا کہ حویلی سے تین ملازمائوں کو ان کے بچوں کے ساتھ نکال کر محفوظ مقام منتقل کیا،عدالت کی اجازت سے گھر بھیجنا چاہتے ہیں۔

خواتین ملازمین نے عدالت میں بیان دیا کہ گزشتہ کئی سالوں میں ملازمت کر رہے ہیں،کل پولیس نے حویلی سے نکال کر دوسرے مقام پر منتقل کیا تھا جس پرعدالت نے ملازمین سے سوال کیا کہ کیا آپ خواتین اپنے بچوں کے ساتھ اپنے گھروں میں واپس جانا چاہتی ہیں؟

ملازمین نے عدالت کو جواب دیا کہ ہم سب اپنے اپنے گھروں کو جانا چاہتے ہیں اجازت دی جائے۔

واضح رہے کہ پولیس کی جانب سے ملزم اسد شاہ کا 5روز ریمانڈ کی درخواست دی گئی تھی جس کے بعد عدالت کے جج  محمد عظیم سولنگی نے 5 دن جسمانی ریمانڈ پر پولیس کے حوالے کردیا۔

کم سن ملازمہ فاطمہ فرڑو ہلاکت کیس متعلقہ خبر بھی پڑھیں؛

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/293231/amp/ کو لائک کریں۔