ملازمہ بچی رضوانہ تشدد کیس میں وفاقی پولیس کی جے آئی ٹی کا اجلاس طلب کرلیا گیا۔

تفصیلات کے مطابق جج کی اہلیہ کا گھریلوملازمہ پر تشدد کے معاملے پرتحقیقات کیلئے وفاقی پولیس کی جے آئی ٹی کا اجلاس طلب کرلیا گیا۔

اجلاس ڈی آئی جی آپریشنز شہزاد ندیم بخاری نے بطور کنونئیر طلب کیا۔ جے آئی ٹی میں ایس ایس پی سی ٹی ڈی، ایس ایس انویسٹیگیشن اورحساس اداروں کے نمائندے شامل ہیں۔

اجلاس میں گرفتار ملزمہ سے تفتیش کیلئے ٹیم بھی تشکیل دی جائے گی، گرفتار ملزمہ سومیا سے تھانہ ویمن میں تفتیش کی جائے گی۔

ملزمہ نے جے آئی ٹی کو بیان میں ملازمہ پر تشدد سے انکار کیا تھا۔

بعد ازاں گھریلو ملازمہ تشدد کیس تحقیقات میں اہم پیش رفت ہوئی، تحقیقات کیلئے وفاقی پولیس کی قائم جے آئی ٹی میں توسیع کر دی گئی، ملزمہ سے تفتیش کیلئے جے آئی ٹی کا دائرہ کار بھی وسیع کر دیا گیا، جے آئی ٹی میں مزید تین افسران کا اضافہ کر دیا گیا۔

جے آئی ٹی میں ڈی ایس پی، انسپکٹر اور ایک سب انسپکٹر کو بھی شامل کر لیا گیا، پہلی جے آئی ٹی، ڈی آئی جی آپریشنز شہزاد ندیم بخاری کی سربراہی میں 5 افسران پر مشتمل تھی۔ ڈی آئی جی آپریشنز شہزاد ندیم بخاری کی سربراہی میں جے آئی ٹی ممبران کی تعداد 8 ہوگئی۔

واضح رہے کہ اسلام آباد کی مقامی عدالت نے کم عمرملازمہ رضوانہ تشدد کیس میں جج کی اہلیہ ملزمہ سومیا کی ضمانت کی درخواست منسوخ کرتے ہوئے گرفتارکرنے کا حکم دیا تھا جس کے بعد پولیس ملزمہ کو ڈسٹرکٹ اینڈ سیشن عدالت سے گرفتار کرکے لے گئی۔

ملازمہ بچی رضوانہ تشدد کیس سے متعلق عدالت کی کارروائی کی خبر پڑھیے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/341380/amp/ کو لائک کریں۔