سندھ ہائی کورٹ نے کارونجھرپہاڑکی کٹائی پر30 اگست تک حکم امتناعی برقراررکھنےکی ہدایت کردی۔ 

تفصیلات کے مطابق سندھ ہائی کورٹ حیدرآباد نے خوبصورت پہاڑ کارونجھر کی کٹائی کا اسٹے برقراررکھتے ہوئے دائر درخواست پر30 اگست تک حکم امتناعی برقرار رکھنے کی ہدایت کردی۔

جسٹس شفیع صدیقی اور جسٹس ارشد حسین خان پر مشتمل ڈویژنل بنچ نے وکیل شنکر میگھواڑ کی درخواست پر سماعت کی۔ محکمہ ثقافت، معدنیات اور محکمہ جنگلی حیات کے حکام نے عدالت میں اپنے جوابات جمع کرائے-

محکمہ جنگلات اور محکمہ ثقافت نے جواب میں کہا گیا کہ ہم نے ننگرپارکرکے 9 مقامات کو ثقافتی ورثہ قرار دیا ہے۔

عدالت نے افسران سے استفسارکیا کہ کارونجھر اتنا خوبصورت پہاڑ ہے آپ نے اس کو کاٹنے کا نوٹیفکیشن کیوں جاری کیا، سرکاری وکیل نے جواب دیا کہ ہم نے نوٹیفکیشن واپس لےلیا ہے۔

عدالت نےاظہاربرہمی کرتے کہا کہ آپ کا ضمیر جاگ رہا ہے، آپ کا ضمیر کسی بھی وقت سو سکتا ہے، ٓاس لیے آپ کا عمل قابل اعتبار نہیں ہے۔ کارونجھر کی مستقل کٹوتی روک کر اس کو ہیریٹیج کی لسٹ میں شامل کیا جائے۔

ایڈووکیٹ سجاد چانڈیو اور عشرت لوہار نے کہا کہ کارونجھر سے متعلق ایک اور درخواست چل رہی ہے، دونوں کیسز کی ایک ہی دن سماعت کی جائے،

عدالت نے کارونجھر کی کٹوتی سے متعلق جاری حکم امتناعی برقرار رکھا۔ عدالت نے دلائل سننے کے بعد کیس کی سماعت 30 اگست تک ملتوی کردی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/343616/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/08/343616/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔