ہر انسان کی یہی خواہش ہوتی ہے کہ وہ سدا جواں نظر آئے تاہم جیسے جیسے عمر بڑھتی ہے چہرے کی جلد کی لچک اور کولیجن کم ہونے لگتا ہے جس سے جھریاں نمودار ہونے لگتی ہیں تاہم کچھ عادات ایسی بھی ہیں جو آپ کو کئی برس بڑا دکھاتی ہیں۔

تاہم اچھی خبر یہ ہے کہ آپ روزمرہ کے معمولات میں تبدیلی کر کے اس سے بچ سکتے ہیں۔ یہاں پر ان عادات کو ذکر کیا جارہا ہے جو اس ضمن میں اہم کردار ادا کرتی ہیں۔

چینی کا زائد استعمال

چینی کا زائد استعمال صحت کے ساتھ جلد کو بھی متاثر کرتا ہے۔ چینی کے مختلف نام ہیں انہیں دھیان میں رکھیں اور کوشش کریں کہ ایسی تمام غذاؤں سے پرہیز کریں جن یہ موجود ہوں جیسے کارن سیرپ، فرکٹوز، گلوکوز، سوکروز اور ڈیکسٹروز یہ سب جلد پر جھریوں کا سبب بنتی ہیں۔

 چکنائی والی غذائیں

جواں دکھائی دینے کے لیے جسم کو کسی قدر چکنائی کی ضرورت ہوتی ہے دل کی صحت کا ضامن اومیگا 3 فیٹی ایسڈز جن اجزاء سے حاصل کیا جاسکتا ہے ان میں مچھلی جیسے ٹونا اور سالمن، اخروٹ اورسورج مکھی کے بیج شامل یں تاہم یہ چکنائی جلد کو ملائم اورجواں رکھنے میں اہم کردار دا کرتی ہے۔

نشہ

نشہ کسی بھی صورت میں صحت کے ساتھ جلد کے لیے بھی نقصان کا باعث بنتا ہے اس کی وجہ سے جسم میں پانی کی کمی ہونے لگتی ہے اور اس طرح جھریاں پڑنے کے کا عمل تیز ہوجاتا ہے۔

 آلودگی

آلودگی صحت کے ساتھ جلد پر بھی منفی اثرات مرتب کر سکتی ہے۔ یہ جلد کے بیرونی تہہ کو متاثر کرتی ہے اس طرح جلد اپنی قدرتی لچک کھونے لگتی ہے۔

گہری اور پر سکون نیند

جسمانی صحت ہو یا جلد کی نیند نہایت اہمیت رکھتی ہے روازانہ رات میں آٹھ گھنٹے کی نیند لینا ذہن کو پر سکون رکھتا ہے۔ نیند کی کمی یا زیادتی دونوں جلد کی رنگت کو متاثر کرتی ہے جوآنکھوں کے گرد سیاہ حلقوں کی صورت میں ظاہر ہوتے ہیں۔

غیر متوازن غذا

ایک مشہور قول ہے کہ آپ جیسا کھاتے ہیں ویسا ہی نظر آتے ہیں آپ کی جلد کے ساتھ مجموعی صحت کا انحصار اس بات پر ہے آپ کس طرح کی غذا استعمال کرتے ہیں۔ یہ آپ کو جواں اور بوڑھا دکھا سکتی ہے۔ بہت زیادہ سادہ کاربوہائیڈریٹس اور چینی کا استعمال آپ کی جلد کے ایلسٹن مالیکیولز اور کولیجن کو متاثر کرسکتا ہے ساتھ ہی یہ جسم میں سوزش پیدا کرنے اور انسولین کی سطح کو بڑھاتے ہیں، جو جھریاں بننے کے عمل کو تیز کرتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/08/361623/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/08/361623/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں