روسی ترجمان نے اپنے ایک بیان میں کہا ہے کہ صدر ولادیمیر پیوٹن بھارت میں ہونے والے جی 20 اجلاس میں شرکت نہیں کریں گے۔

بھارتی میڈیا کے مطابق کریملن نے اعلان کیا ہے کہ اگلے ماہ ستمبر میں بھارت میں ہونے والے جی 20 سربراہی اجلاس میں روسی صدر ولادیمیر پیوٹن شرکت نہیں کریں گے۔

واضح رہے کہ بین الاقوامی فوجداری عدالت (آئی سی سی) نے روسی صدر ولادیمیر پیوٹن پر یوکرین میں جنگی جرائم کا الزام عائد کرتے ہوئے ان کے وارنٹ گرفتاری جاری کیے ہیں۔

روس کے صدارتی آفس کریملن نے آج کہا کہ روسی صدر ولادیمیر پیوٹن کا ستمبر میں ہندوستان میں ہونے والے جی 20 سربراہ اجلاس میں ذاتی طور پر شرکت کرنے کا کوئی ارادہ نہیں ہے۔

بھارتی میڈیا کا دعوی ہے کہ روسی صدر شاید گرفتاری کے خوف سے بھارت نہیں آنا چاہتے، کیونکہ انہیں بیرون ملک سفر کرتے وقت گرفتار کیا جا سکتا ہے۔

یاد رہے کہ رواں ہفتے روسی صدر ولادیمیر پیوٹن نے جنوبی افریقہ میں ابھرتی ہوئی معیشتوں کے برکس گروپ کے رہنماؤں کے ایک اجتماع میں ذاتی طور پر نہیں بلکہ ویڈیو لنک کے ذریعے شرکت کی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/370456/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/08/370456/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں