کلفٹن میں اراضی کی غیرقانونی الاٹمنٹ کے ریفرنس میں مصطفٰی کمال کوعدالت سے بڑا ریلیف مل گیا۔

تفصیلات کے مطابق احتساب عدالت کراچی میں کلفٹن میں اراضی کی غیر قانونی الاٹمنٹ کے ریفرنس سے سے متعلق کیس کی سماعت ہوئی۔

احتساب عدالت نے رہنما ایم کیو ایم پاکستان مصطفی کمال کو بڑا ریلیف دیتے ہوئے ملزمان کی جانب سے نیب عدالت کے دائرہ اختیار کو چیلنج کیے جانے کی درخواست منظورکرلی۔

احتساب عدالت نے ریفرنس چیئرمین نیب کو واپس بھیج دیا۔

احتساب عدالت میں کلفٹن کی سرکاری اراضی کی غیر قانونی الاٹمنٹ ریفرنس میں مصطفی کمال، انیس قائم خانی کے ہمراہ نیب کورٹ پہنچے۔

مصطفی کمال سمیت دس ملزمان نے نیب قوانین کی تبدیلی پر نیب ریفرنس کیخلاف درخواست جمع کی ہوئی ہے اوردرخواست پر آج فیصلہ ہوا۔

وکیل درخواست گزار کا کہنا تھا کہ نیب قوانین میں ترمیم کے بعد نیب ریفرنس نہیں بنتا، کیس کو نیب کورٹ سے منتقل کیا جائے۔

احتساب عدالت کی جانب سے وکلا کا مؤقف سننے کے بعد فیصلہ محفوظ کیا گیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/384697/amp/ کو لائک کریں۔