بھارت کے دارالحکومت دہلی کے متعدد میڑو اسٹیشنز پر دہلی بنے گا خالصتان کے نعرے لکھے گئے ہیں۔

بھارتی میڈیا کے مطابق دہلی کے میٹرو اسٹیشنز پر نامعلوم افراد نے دہلی بنے گا خالصتان کے نعرے لکھ دیئے، بھارتی دارالحکومت میں بھارت مخالف نعرے درج ہونے پر پولیس کی دوڑیں لگ گئیں۔

اس واقعے کے بعد ایس ایف جے کے رہنما گروپتونت سنگھ پنن نے ایک ویڈیو جاری کیا ہے، جس میں کئی میٹرو اسٹیشنوں کی دیواروں پر نعرے لکھے ہوئے نظر آرہے ہیں۔

جی-20 سربراہی اجلاس سے تقریباً 12 دن پہلے کئی میٹرو اسٹیشنوں پر دہلی بنے گا خالصتان اور خالصتان زندہ باد جیسے بھارت مخالف نعرے لکھنے سے مودی سرکار کی پریشانیوں میں اضافہ ہو گیا ہے۔

دہلی پولیس کے ترجمان کا کہنا ہے کہ واقعہ کی تحقیقات جاری ہیں اور اس کے خلاف قانونی کاروائی کر رہی ہے۔

پولیس کے ترجمان نے بھارت مخالف نعروں کے لیے خالصتانی تنظیم سکھ فار جسٹس (ایس ایف جے) کو قصوروار ٹھہرایا ہے۔

پولیس کے مطابق خالصتان کے حامیوں نے شیواجی پارک، پچھم وہار، انڈسٹری سٹی، مہاراجہ سورج مل اسٹیڈیم، گورنمنٹ سروودیا بال ودیالیہ نانگلوئی، پنجابی باغ اور نانگلوئی میٹرو اسٹیشن پر بھارت مخالف نعرے لکھے ہیں۔

اطلاع ملتے ہی پولیس موقع پر پہنچ گئی اور ان نعروں کو مٹانے کا کام شروع کیا۔ میٹرو پولس کا کہنا ہے کہ اس معاملے میں مقدمہ درج کیا جائے گا۔

حالات حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/444137/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/08/444137/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں