صحت مند رہنے کے لیے قوت مدافعت کا طاقتور ہونا نہایت ضروری ہے ایسی تمام غذائیں جو آپ کے مدافعتی نظام کو بہتر بناتی ہیں ان میں زنک سر فہرست ہے۔ یہ ایک ایسا منرل ہے جو قوت مدافعت کو بڑھاکر آپ کی مجموعی صحت کو بہتر بناتا ہے۔ یہی وجہ ہے کہ ماہرین صحت زنک سے بھرپورغذاؤں کو خوراک میں شامل رکھنے کا مشورہ دیتے ہیں۔

زنک کے فوائد

زنک آپ کے مدافعتی نظام کو مضبوط بنانے میں مدد فراہم کرسکتا ہے،تکنیکی طور پر ایک دھات ہونے کے باوجود، اس معدنیات کو ایک ضروری غذائیت سمجھا جاتا ہے، جس کا مطلب ہے کہ جسم اسے خود پیدا نہیں کرسکتا، اس لیے اسے غذا یا سپلیمنٹس کے ذریعے حاصل کرنا نہایت ضروری ہے۔

زنک ہر خلیے میں آئرن کے بعد سب زیادہ تعداد میں موجود ہوتا ہے اسی لیے یہ ہر عضو کے افعال کی بہتر کارکردگی کو یقینی بناتاہے۔

جسم میں 300 سے زائد انزائمز کے عمل کے لیے زنک کی ضرورت ہوتی ہے جو کہ اعصابی افعال، ہاضمہ، میٹابولزم، بو اور ذائقہ میں مدد کرتے ہیں۔

یہ پروٹین اور کولیجن کی تشکیل میں مددفراہم کرتا ہے، اور زخم کو جلد مندمل کرنے میں معاون ثابت ہوتا ہے۔

یہ جسم میں کئی قسم کے مدافعتی خلیوں کے کام کرنے میں اہم کردار ادا کرتا ہے، مدافعتی نظام کو عمل میں لاتا ہے۔

زنک جسم کے اندر ڈی این اے اور صحت مند خلیوں کی تشکیل کے لیے بھی اہم ہے، صحت مند نشوونما میں سہولت فراہم کرتا ہے۔

ایک اینٹی آکسیڈینٹ کے طور پر، زنک آکسیڈیٹیو تناؤ اور مالیکیولز کو ختم کرنے کے لیے کام کرتا ہے، جیسے فری ریڈیکلز، جو جسم میں سوزش اور بیماری کو فروغ دیتے ہیں۔

عمر رسیدگی کی علامات اور امراض  کو کم کرنے میں اہم کردار ادا کرتا ہے

زنک سانس سے متعلق تمام مسائل کوحل کرنے صلاحیت رکھتا ہے۔ ایک تحقیق کے مطابق زنک کی سپلیمنٹ بالغوں میں سانس کی نالی کے انفیکشن کو کم یا روک سکتے ہیں۔

زنک میٹابولک اور دل کی صحت کا بھی ضامن ہے یہ خون میں شکر اور لپڈ کی سطح کو منظم کرنے میں اہم کردارادا کرتا ہے۔

دلچسپ بات یہ ہے کہ زنک ریڑھ کی ہڈی کی چوٹوں کے علاج کو تیز کرنے میں بھی طاقتور پایا گیا ہے، جبکہ جسم میں اس اہم ڈھانچے کی عمومی صحت کو برقرار رکھنے کے لیے بھی کام کرتا ہے۔

 آخر میں، اس معدنیات کو پیٹ کی سب سے عام پریشانیوں بشمول الٹی اور اسہال، خاص طور پر بچوں میں بہتری کے ساتھ منسلک کیا گیا ہے۔

روزانہ زنک کی کتنی مقدار کی ضرورت ہوتی ہے

 بالغ خواتین کے لیے 8 اور بالغ مردوں کے لیے 11 ملی گرام یومیہ کی ضرورت ہوتی ہے۔ جبکہ زنک کی زیادہ سے زیادہ مقدار جو ایک دن میں لی جاسکتی ہے اس کی حد 40 ملی ہے۔

زنک جن غذاؤں میں کثرت سے پایا جاتا ہے وہ یہاں بتائی جارہی ہیں۔

گریاں اور بین، انڈا، مکمل اناج، دالیں، گوشت، ڈیری پروڈکٹس، بروکولی، ٹماٹر،

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/08/454241/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/08/454241/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں