بھارتی کرکٹ ٹیم کے سابق کپتان ویرات کوہلی نے اپنی سوشل میڈیا پوسٹ پر کمائی جانے والی رقم سے متعلق خبروں پر ٹوئٹ کیا ہے۔ 

سوشل میڈیا پر انسٹاگرام کی ایک پوسٹ سے سب سے زیادہ کمانے والے دنیا کے پانچ  اسپورٹس اسٹار سے متعلق اعداد و شمار گردش کررہے ہیں جس میں بھارت کے اسٹار بلے باز ویرات کوہلی کا نام بھی شامل ہے۔

پرتگال کے فٹبالر کرسٹیانو رونالڈو انسٹاگرام پوسٹ کے ذریعے سب سے زیادہ پیسے لینے والے ایتھلیٹ ہیں، اس فہرست میں ایک اور اسٹار فٹبالر ارجنٹینا کے لیونل میسی کا دوسرا نمبر ہے۔ بھارت کے سابق کپتان ویرات کوہلی کا سب سے زیادہ کمانے والے ایتھلیٹس میں تیسرا نمبر ہے۔

رپورٹس میں دعویٰ کیا گیا ہے کہ رونالڈو ایک پوسٹ کے 32 لاکھ 34 ہزار ڈالرز لیتے ہیں۔ میسی ایک پوسٹ کے 25 لاکھ 97 ہزار ڈالرز لیتے ہیں جب کہ کوہلی ایک پوسٹ کے 13 لاکھ 84 ہزار ڈالرز لیتے ہیں جو 11.45 کروڑ بھارتی روپے بنتے ہیں۔

فہرست میں برازیلن اسٹار فٹبالر نیمار جونیئر کا چوتھا نمبر ہے، جو ایک پوسٹ کے 11 لاکھ 42 ہزار ڈالرز لیتے ہیں، پانچویں نمبر پر این بی اے سپر سٹار لیبرون جیمز ہیں۔ لیبرون جیمز ایک پوسٹ کے 8 لاکھ 51 ہزار ڈالرز لیتے ہیں۔

While I am grateful and indebted to all that I’ve received in life, the news that has been making rounds about my social media earnings is not true. 🙏

— Virat Kohli (@imVkohli) August 12, 2023

دوسری جانب ویرات کوہلی نے ایک ٹوئٹ کے ذریعے ان خبروں کو مسترد کرتے ہوئے کہا کہ میں نے جو کچھ بھی کمایا اس پر شکرگزار ہوں البتہ میری کمائی کے بارے میں سوشل میڈیا پر چلنے والی خبر درست نہیں ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/485266/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/08/485266/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں