پولینڈ نے سرکاری ریلوے نیٹ ورک پر ہونے والے سائبر حملے کی تحقیقات شروع کر دی ہے۔

عالمی خبر رساں ادارے کی خبر کے مطابق پولینڈ کی سرکاری پریس ایجنسی نے ہفتے کے روز خبر دی ہے کہ پولینڈ کی داخلی سیکیورٹی ایجنسی ملک کے ریلوے نیٹ ورک پر سائبر حملے کی تحقیقات کر رہی ہے جس کی وجہ سے راتوں رات ٹریفک میں خلل پڑا۔

اسپیشل سروسز کے ڈپٹی کوآرڈینیٹر اسٹینسلاو زرین نے خبر رساں ادارے کو بتایا کہ پولینڈ کی داخلی سلامتی ایجنسی (اے بی ڈبلیو) اور پولیس ریل ٹریفک مینجمنٹ میں شامل سسٹم کے غیر مجاز استعمال کی تحقیقات کر رہے ہیں.

ہیکرز نے ریلوے فریکوئنسی کا استعمال کرتے ہوئے ایک سگنل بھیجا جس کی وجہ سے شمال مغربی پولینڈ میں ٹرینوں کو ہنگامی طور پر روک دیا گیا جس کی وجہ سے تاخیر ہوئی۔

ڈپٹی کوآرڈینیٹر اسٹینسلاو زرین نے کہا کہ روس کی جانب سے پولینڈ کو غیر مستحکم کرنے کی حالیہ کوششوں کے پیش نظر اس طرح کی کسی بھی مداخلت کو سنجیدگی سے لیا گیا ہے۔

ڈپٹی کوآرڈینیٹر اسٹینسلاو زرین نے کہا کہ اس طرح کی کوششیں بیلاروس کے تعاون سے روسی فیڈریشن کی طرف سے کی جا رہی ہیں، اور اسی وجہ سے ہم اے بی ڈبلیو کے پاس آنے والے کسی بھی اشارے کو نظر انداز نہیں کرتے ہیں۔

اس کے علاوہ ریاستی ریلوے آپریٹر جمعرات کے روز دو ٹرینوں کے پٹری سے اترنے اور دیگر دو ٹرینوں کے آپس میں ٹکرانے کے معاملے کی جانچ کر رہا ہے۔ ان واقعات میں کوئی زخمی نہیں ہوا۔

ڈپٹی کوآرڈینیٹر اسٹینسلاو زرین کے مطابق فی الحال اس بات کا کوئی اشارہ نہیں ملا ہے کہ جمعرات کو ہونے والے واقعات کا ہیکنگ حملے سے کوئی تعلق ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/518538/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/08/518538/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں