بالی وڈ کی اداکارہ سشمیتا سین نے شاہ رخ خان کے ساتھ اپنی فلم ‘میں ہوں نا’ کا سیکوئل دیکھنے کی خواہش کا اظاہر کر دیا۔

غیر ملکی خبر رساں ادارے کے مطابق اداکارہ سشمیتا نے کہا کہ میں سمجھتی ہوں کہ اب ‘میں ہوں نا 2’ کا وقت آگیا ہے، ہمیں اس فلم کا سیکوئل بنانا چاہیے۔

اداکارہ سشمیتا کا کہنا تھا کہ فرح خان اور شاہ رخ خان سے بات کریں، میں تو سیکوئل کیلئے تیار ہوں۔

سشمیتا سین کا کہنا تھا کہ ‘میں ہوں نا’ کی عکسبندی کے دوران میں ساڑھی پہنانے پر فرح خان سے بہت خفا ہوئی تھی۔

یاد رہے کہ مشہور فلم ‘میں ہوں نا’ 2004 میں ریلیز ہوئی تھی، یہ سشمیتا سین کی شاہ رخ خان کے ساتھ پہلی فلم تھی۔

واضح رہے اداکارہ نے کہا کہ اب میرے کیریئر کی دوسری اننگز ہے، اس کیلئے میری خواہشات کی ایک فہرست ہے کہ میں اب کیسے کردار ادا کرنا چاہتی ہوں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/539744/amp/ کو لائک کریں