پاکستان کرکٹ بورڈ نے ایشیا کپ 2023 کے میچز دیکھنے کے لیے بی سی سی آئی کے صدر اور سیکریٹری کو پاکستان مدعو کر لیا ہے۔

تفصیلات کے مطابق پاکستان کرکٹ بورڈ (پی سی بی) نے بھارتی کرکٹ بورڈ (بی سی سی آئی) کے صدر راجر بنی، نائب صدر راجیو شکلا، ایشین کرکٹ کونسل (اے سی سی) کے صدر اور بی سی سی آئی کے سیکریٹری جے شاہ کو پاکستان میں ایشیا کپ کے میچز دیکھنے کے لیے دعوت نامہ بھیجا ہے۔

پی سی بی نے آئی سی سی کے چیئرمین گریگ بارکلے، آئی سی سی کے چیف ایگزیکٹو جیف ایلرڈائس اور جنرل منیجر کرکٹ وسیم خان کو بھی مدعو کیا ہے۔

ایشیا کپ 30 اگست سے 17 ستمبر تک پاکستان اور سری لنکا میں کھیلا جائے گا جس کے 4 میچز پاکستان میں جبکہ باقی میچز سری لنکا میں کھیلے جائیں گے۔

ٹورنامنٹ کا آغاز پاکستان اور نیپال کے درمیان ملتان کرکٹ گراؤنڈ میں میچ سے ہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/591847/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/08/591847/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں