بالی وڈ ڈانسر نورا فتحی نے الزام لگایا ہے کہ بالی وڈ انڈسٹری میں صرف چار لڑکیوں کو ہی مسلسل کام دیا جا رہا ہے۔

غیر ملکی خبر رساں ادارے کے مطابق ہندوستان ٹائمز کے مطابق نورا فتحی یہ بات نہیں مانتیں کہ اُن کے ڈانس گرل ہونے کی وجہ سے بالی وڈ میں انہیں لِیڈ رول میں فلمیں نہیں دی جا رہیں۔

انہوں نے فلم میکرز پر الزام لگایا کہ وہ چار لڑکیوں کے علاوہ کسی اور کی طرف دیکھ بھی نہیں رہے اور صرف انہیں ہی کام دے رہے ہیں۔

نورا فتحی نے کہا کہ میرا نہیں خیال کہ مجھے ڈانس کی وجہ سے کاسٹ نہیں کیا جاتا۔

انہوں نے کہا کہ بالی  وڈ میں ہماری بڑی ہیروئین ڈانسرز تھیں جو بہت عمدہ کام کر چکی ہیں۔

نورا نے بتا جاری رکھتے ہوئے کہا کہ ایک سال میں کچھ فلمیں ہی ریلیز ہوتی ہیں اور کبھی کبھار یہ ہوتا ہے کہ فلم میکرز سامنے نظر آنے والی اداکاراؤں کے علاوہ کسی اور کو کاسٹ ہی نہیں کرتے۔

نورا فتحی نے کیریئر کا آغاز 2020 میں ریلیز ہونے والی فلم ’سٹریٹ ڈانسر تھری ڈی‘ سے کیا تھا۔

 تاہم انہیں ’ساقی ساقی‘ اور ’دلبر دلبر‘ گانے پر ڈانس سے انڈیا سمیت دنیا بھر میں بھرپور شہرت ملی۔

واضح رہے اداکارہ ہدایت کار ورون تیج کی تیلگو فلم ’وی ٹی 14‘ میں کام کر رہی ہیں اس فلم کا مرکزی خیال 1960 کی دہائی میں انڈیا کے شہر ویزاگ (وشاکاپٹنم) کے گرد گھومتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/621954/amp/ کو لائک کریں