مریم اورنگزیب کا کہنا ہے کہ پیمرا آرڈیننس ڈکٹیٹرکا قانون تھا، ہماری حکومت نے پیمرا بل کو بہتربنایا۔

اسلام آباد میں وفاقی وزیراطلاعات مریم اورنگ زیب نے میڈیا سے گفتگو کرتے ہوئے کہا کہ پیمرا آرڈیننس ڈکٹیٹرکا قانون تھا، ہماری حکومت نے پیمرا بل کو بہتر بنایا۔

مریم اورنگزیب نے کہا کہ میڈیا کارکنان کے قانون میں تبدیلی لائے کہ جو ادارہ دوماہ تنخواہ نہیں دے گا اس کا سرکاری اشتہارات بند کردیے جائیں گے۔

وزیراطلاعات نے کہا کہ الیکٹرانک میڈیا کے کارکنان کو تنخواہ نہ ملنے پر پیمرا کی کونسل آف شکایات میں درخواست دے سکیں گے۔ کارکنان کو آئی ٹی این ای سے چودہ کروڑ روپے دلوائے۔ میڈیا کارکنان کی تکالیف کو ہرجگہ دیکھا ہے۔ چند لوگوں نے مجھ پر پیمرا کا کالاقانون لانے کا الزام لگایا۔

انھوں نے کہا کہ چیئرمین پیمرا کی تقرری پارلیمان کرے گی، جس کسی کو اعتراض تھا اسے کہا کہ بل میں ترامیم دے دیں، میڈیا کارکنان نے متحد ہوکر اپنے حقوق پر آواز اٹھائی۔ پی آر اے نے تین روز مسلسل احتجاج کیا ہے۔

مریم اورنگزیب نے کہا کہ کارکن صحافی تو ایک ایک خبر کے لئے دس دس دفعہ چیک کرتے ہیں۔ میڈیا کارکنان مس انفارمیشن اور ڈس انفارمیشن کے مرتکب نہیں ہوتے۔ پی ایف یو جے کے تمام دھڑے پی آر اے ،آر آئی یو جے نے بل کی حمایت کی۔

انھوں نے مذید کہا کہ سب سے زیادہ اس بل پر پی آر اے نے جدوجہد کی۔ آج سینیٹ ایوان میں کارکنان کے لیے یہ بل پیش کروں گی۔ اگر قانون میں کوئی مزید بہتری چاہئے ہوگی تو وہ بھی کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/639761/amp/ کو لائک کریں۔