اے ٹی سی لاہور نے سانحہ 9 مئی کے کیس میں چیئرمین تحریک انصاف کی 7 مقدمات میں عبوری ضمانتیں خارج کردیں۔

تفصیلات کے مطابق لاہورکی انسداددہشتگردی عدالت میں 9 مئی واقعات میں چیئرمین تحریک انصاف کی 7 مقدمات میں عبوری ضمانتیں خارج کردی گئیں۔

انسداددہشتگردی عدالت کےجج اعجازاحمدبٹرنے محفوظ فیصلہ سنا دیا۔

عدالت نے ملزم کی عبوری ضمانت کی درخواستیں عدم پیروی کی بنیاد پرعبوری ضمانت کی درخواستیں خارج کیں۔

اس سے قبل عدالت نے سیاسی رہنما روبینہ جمیل، روبینہ رضوان اور افشاں طارق سمیت 28 ملزموں کی درخواست ضمانت پر سماعت 15 اگست تک ملتوی کی۔

عدالت نے ملزمان کے وکلا کو حتمی دلائل کیلئے طلب کر لیا،  انسداد دہشت گردی عدالت کے جج اعجاز احمد بٹرنے سماعت کی۔

عبدالحفیظ، بلال احمد، قاسم علی، روبینہ جمیل، عمران نذیر، توقیر عباس، افشاں طارق، نے ضمانت کی درخواستیں دائر کر رکھی ہیں۔ ملزمہ روبینہ رضوان، وسیم گل، مقبول احمد، سید طاہر علی رضوی، عامر فاروق، فیصل اختر، ارونا نعیم بھی گرفتار ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/699167/amp/ کو لائک کریں۔