یوگنڈا کی جھیل وکٹوریہ میں کشتی الٹنے سے کم از کم 20 افراد ہلاک اور 5 لاپتہ ہو گئے ہیں۔

تفصیلات کے مطابق یوگنڈا میں واقع افریقہ کی سب سے بڑی جھیل وکٹوریہ میں کشتی ڈوبنے سے 20 افراد ہلاک ہو گئے ہیں جبکہ 5 افراد لاپتہ ہو گئے ہیں۔

پولیس کا کہنا ہے کہ حادثہ مقامی وقت کے مطابق صبح 5 بجے پیش آیا، جہاز میں کوئلہ، تازہ خوراک اور مچھلیوں کے علاوہ گنجائش سے زیادہ لوگ سوار تھے۔

پولیس نے سوشل میڈیا پلیٹ فارم ایکس پر کہا کہ حادثے کی وجہ اوور لوڈنگ اور خراب موسم کو قرار دیا گیا ہے، پولیس کے مطابق 9 افراد کو زندہ بچا لیا گیا ہے۔

Advertisement

#PRESSEELEASE |

Police Update on marine accident

On 2nd August 2023, a boat capsized on Lake Victoria.

The number of people on board are allegedly to be 34.

The incident happened at 5am. So far 20, people have been confirmed dead, and nine (9) rescued.

The boat was carrying… pic.twitter.com/bnHn4eOAca

Advertisement

— Uganda Police Force (@PoliceUg) August 2, 2023

پولیس کا کہنا ہے کہ لاپتہ افراد کی تلاش کے لیے امدادی کارروائیاں جاری ہیں۔

پولیس بیان میں مزید کہا گیا ہے کہ ہم پانی پر سفر کرنے والے عوام سے اپیل کرتے ہیں کہ وہ ہمیشہ لائف جیکٹ پہنیں اور اپنے جہازوں پر زیادہ بوجھ نہ ڈالیں۔’

واضح رہے کہ افریقہ کی سب سے بڑی جھیل یوگنڈا، کینیا اور تنزانیہ کے ساتھ مشترکہ ہے۔ اس کا سطحی رقبہ 70،000 مربع کلومیٹر جو تقریبا آئرلینڈ کے سائز کے برابر ہے۔

گزشتہ برسوں کے دوران بیضوی شکل کی اس جھیل پر کشتیوں کے کئی حادثات پیش آئے ہیں جن میں اکثر ان حادثات کی وجہ بھیڑ بھاڑ اور خراب موسم کو قرار دیا جاتا ہے۔

نومبر 2018 میں خراب موسم کے دوران جھیل وکٹوریہ پر ایک کشتی ڈوبنے سے کم از کم 32 افراد ہلاک ہو گئے تھے۔ یوگنڈا کی پولیس نے اس وقت کہا تھا کہ جہاز پر 90 سے زائد افراد سوار تھے۔

اسی سال ستمبر میں تنزانیہ کی جھیل وکٹوریہ میں ایم وی نیریرے مسافر کشتی ڈوبنے سے سیکڑوں افراد ہلاک ہو گئے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/759013/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/08/759013/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں