ایران میں غیر معمولی گرمی نے اپنا رنگ دکھانا شروع کر دیا ہے۔ ملک کے متعدد شہروں میں درجہ حرارت 51 سینٹی گریڈ تک پہنچ گیا ہے۔

تفصیلات کے مطابق ایران میں شدید گرمی کی لہر جاری ہے، ملک کے متعدد شہروں میں درجہ حرارت 51 سینٹی گریڈ تک پہنچ گیا ہے، حکومت نے ہیٹ ویو کے خدشے کے پیش نظر دو دن کی عام تعطیلات کا اعلان کر دیا ہے۔

ایران کے دارالحکومت تہران میں بھی گرمی کی لہر عروج پر پہنچ گئی ہے، گرمی کی شدت کے باعث معمولات زندگی بھی مفلوج ہو گئی ہے۔

عالمی خبر رساں ادارے کی خبر کے مطابق گرمی کی اس لہر نے ایران کے بیشتر علاقوں کو اپنی لپیٹ میں لے لیا ہے۔

ایرانی حکومت نے درجہ حرارت میں اضافے اور ہیٹ ویو کے خدشے کے پیش نظر متعدد شہروں میں طبی مراکز کو ہائی الرٹ کر دیا ہے، حکومت نے بیمار، بچے اور معمر افراد کو گھر میں رہنے کی ہدایت کی ہے۔

ایرانی حکومت کا کہنا ہے کہ غیر معمولی گرمی کی لہر کے باعث شہریوں کے تحفظ کے لیے تعطیلات کا اعلان کیا گیا ہے تاکہ شہری اپنے گھروں میں رہیں اور ہیٹ ویو کا شکار نہ ہوں۔

واضح رہے کہ دنیا بھر میں گرمی کی شدت میں غیر معمولی اضافہ ہوا ہے، اقوام متحدہ نے بھی موسمیاتی تبدیلیوں کو کرہ ارض کے لیے خطرناک قرار دیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/779131/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/08/779131/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں