وزیراعظم شہبازشریف اوراپوزیشن لیڈر قومی اسمبلی راجا ریاض کے درمیان ملاقات میں سینیٹر انوار الحق کاکڑ کے نام پر اتفاق ہوگیا، سمری پر صدر مملکت نے دستخط کردیے۔

تفصیلات کے مطابق وزیراعظم ہاؤس میں نگراں وزیراعظم کے معاملے پروزیرِاعظم محمد شہباز شریف سے قائد حزب اختلاف راجا ریاض کی ملاقات ہوئی۔

ملاقات کے دوران وزیرِاعظم اور قائد حزب اختلاف کے مابین نگراں وزیرِاعظم کی تقرری پر حتمی مشاورتی عمل خوش اسلوبی سے مکمل ہونے کے بعد انوارالحق کاکڑ کے نام پر بطورنگراں وزیرِاعظم اتفاق ہوگیا۔

وزیرِاعظم اور قائد حزب اختلاف نے مشترکہ طور پر دستخط کرکے ایڈوائس صدر پاکستان ڈاکٹر عارف علوی کو بھجوا دی۔

صدرمملکت نے سمری پر دستخط کردیے

بعد ازاں سمری موصول ہونے کے بعد صدرمملکت عارف علوی نے دستخط کردیے۔  صدرمملکت نے انوار الحق کاکڑ کی بطور نگران وزیراعظم تعیناتی کی منظوری دے دی۔

صدرڈاکٹرعارف علوی نے تعیناتی کی منظوری آئین کے آرٹیکل 224 ایک اے کے تحت کی۔

وزیرِاعظم شہبازشریف نے قائد حزب اختلاف کا مشاورتی عمل میں تعاون اور ان 16 ماہ میں بطور بہترین حزب اختلاف کی قیادت پر شکریہ ادا کیا۔

قائدِ حزبِ اختلاف راجا ریاض کا کہنا تھا کہ وزیراعظم اور میرے درمیان زیر غور دیگر پانچ نام نہیں بتاؤں گا۔ سینٹرانوارا الحق کاکڑ نگراں وزیراعظم ہوں گے،وزیراعظم چھوٹے صوبے سے مقررکرنے پر اتفاق کیا۔

ملاقات اور سمری پر دستخط کے بعد وزیراعظم شہباز شریف لاہور کے لیے روانہ ہو گئے۔

انوارالحق کاکٹر کا اظہارِ تشکر

سماجی رابطے کی ویب سائٹ پر ٹوئٹر پرسینیٹرانوارالحق نے اظہارِ تشکر کرتے ہوئے کہا کہ اللہ تعالی کا شکر ہے جس نے مجھے پاکستان کے نگراں وزیراعظم کے طورپر قوم کی خدمت کرنے کا موقع دیا۔  انشااللہ میں عوام کے حق میں فیصلے کروں گا اور جو پاکستان کے حق میں ہوگا۔

سینیٹرانوار الحق کون ہیں؟ ان کے سیاسی کیریئر جاننے کے لیے لنک کو اوپن کریں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/830140/amp/ کو لائک کریں۔