ڈاکٹر فردوس عاشق اعوان نے کہا ہے کہ آرمی چیف کا یومِ آزادی کے موقع پراظہارخیال پُرامن اور خوش حال پاکستان کی یقین دہانی ہے۔

استحکام پاکستان پارٹی کی مرکزی ترجمان ڈاکٹرفردوس عاشق اعوان نے سوشل میڈیا پر بیان جاری کرتے ہوئے کہا کہ چیف آف آرمی اسٹاف جنرل عاصم منیر کا یوم آزادی کے موقع پر اظہار خیال قوم اور دیگر ممالک کے لٸے پر امن اور خوشحال پاکستان کی یقین دہانی ہے۔

فردوس عاشق اعوان نے کہا کہ عوام کے دلوں میں ملک سے محبت کا سمندر موجزن ہے۔ ان کا کہنا کہ ”فوج اور قوم میں دراڑ ڈالنے کی تمام کوششیں ناکام ہوں گی“ اس بات کی گواہی ہے کہ انہیں قوم سے محبت اور قوم کی تکالیف کا پورا احساس ہے۔

استحکام پاکستان پارٹی کی ترجمان نے بیان میں کہا کہ وہ اس مشکل وقت میں قوم کو تنہا نہیں چھوڑیں گے۔ نگراں وزیراعظم انوارالحق کاکڑ نوجوان سیاستدان اور اپنی محنت کے بل بوتے پر یہاں تک پہنچے ہیں۔  امید ہے کہ وہ عوام کے زخموں پر مرہم رکھیں گے اور ملک کو بحرانوں سے نکالنے میں ساری تواناٸیاں صرف کریں گے۔

فردوس عاشق اعوان نے مذید کہا کہ آٸی پی پی ملک کی تعمیر کی غرض سے اٹھنے والے ہر قدم اور ملکی فلاح کی ہر سوچ کے ساتھ ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/843230/amp/ کو لائک کریں۔