عدالت نے پرویز الٰہی کو منی لانڈرنگ کیس میں پیش کرنے کے معاملے پرمذید سماعت15ستمبرتک ملتوی کردی۔

تفصیلات کے مطابق سابق وزیراعلٰی پنجاب کے خلاف اسپیشل کورٹ سنٹرل لاہورمیں چوہدری پرویز الٰہی کو منی لانڈرنگ کیس میں پیش کرنے سے متعلق کیس کی سماعت ہوئی۔

عدالت نے چوہدری پرویزالہی کیس میں مزید سماعت 15 ستمبر تک ملتوی کر دی، دوران سماعت ایف آئی اے کے پراسیکیوٹر نے چالان سے متعلق پیش رفت رپورٹ پیش کی۔

پراسیکیوٹر نے بتایا کہ شریک ملزم مونس الہی کو اشتہاری دینے کی کارروائی جاری ہے، اشتہاری قراردینے کی کارروائی مکمل ہونے کے بعد چالان عدالت مین جمع کروایا جائے گا۔

ڈیوٹی جج اسپیشل سنٹرل کورٹ نے سابق وزیراعلٰی پنجاب پرویز الہی کیس کی سماعت کی۔ عدالت نے آج چالان مکمل کر کے پیش کرنے کا حکم دے رکھا تھا۔

عدالت نے چالان مکمل کر پیش نہ کرنے پر ڈی جی ایف آئی اے، ڈپٹی ڈائریکٹر اور تفتیشی آفیسر کے خلاف قانونی کارروائی کرنے کا حکم دے رکھا تھا۔

ایف آئی اے نے چوہدری پرویز الہی اور مونس الٰہی سمیت دیگر ملزمان کیخلاف مقدمہ درج کر رکھا ہے۔ ملزمان پر مشکوک ٹرانزیکشنز اور منی لانڈرنگ کا الزام ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/910967/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/08/910967/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔