سعودی فٹ بال کلب النصر کی ٹیم اپنے قائد کرسٹیانو رونالڈو کے ہمراہ ایران پہنچی تو ان کا شاندار استقبال کیا گیا۔

غیر ملکی میڈیا کے مطابق ایشین چیمپیئنز لیگ کے گروپ مرحلے کے میچ سے قبل 2016 کے بعد سعودی عرب کی ٹیم کے پہلے دورہ ایران پر النصر کے کپتان کرسٹیانو رونالڈو کا ایران میں پرتپاک استقبال کیا گیا۔

گروپ ای میں النصر کا مقابلہ ایرانی ٹیم پرسیپولس سے ہوگا جبکہ قطری ٹیم الدوہیل کا مقابلہ تاجکستان کی استکلول دوشنبے سے ہوگا۔

سعودی عرب کی ٹیم کی آمد پر رونالڈو کے استقبال کے لیے ملک کی سڑکیں شائقین سے کھچا کھچ بھری ہوئی تھیں۔

عاجل 🔴

استقبال تاريخي كبير من الجماهير الإيرانية لحافلة نادي النصر والأسطورة " كرستيانو رونالدو " لدى وصولهم إيران .

–

pic.twitter.com/ScKPxctOGj

— خبر عاجل (@AJELNEWS24) September 18, 2023

ایشین فٹ بال کنفیڈریشن (اے ایف سی) نے اعلان کیا ہے کہ سعودی اور ایرانی ٹیموں کے درمیان میچ 2016 کے بعد پہلی بار کسی اسٹیڈیم میں کھیلا جائے گا جس کی وجہ دونوں ممالک کے درمیان بہتر سفارتی تعلقات ہیں۔

کچھ مداح اس ہوٹل میں داخل ہوئے جہاں النصر کے کھلاڑی ٹھہرے ہوئے تھے اور رونالڈو کا نام لے کر ان کے ساتھ تصاویر بنوائیں۔

النصر نے رونالڈو کی تصاویر بھی پوسٹ کیں جن میں وہ پرسیپولس کے حامیوں کی جانب سے ہاتھ سے تیار کردہ پرتعیش ایرانی قالین وصول کر رہے ہیں۔

گزشتہ سال جنوری میں رونالڈو کے النصر منتقل ہونے کے بعد سے سعودی پرو لیگ یورپی کھلاڑیوں کے لیے پسندیدہ لیگ بن چکی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/137353/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/137353/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں