صومالیہ میں ٹرک بم دھماکے میں کم از کم 10 افراد ہلاک ہو گئے ہیں، جبکہ متعدد افراد زخمی ہوئے ہیں۔

عرب میڈیا کے مطابق صومالیہ کے وسطی قصبے بیلڈوین میں ہفتے کے روز ایک چیک پوسٹ پر ایک ٹرک بم دھماکہ ہوا جس کے نتیجے میں کم از کم 10 افراد ہلاک اور قریبی عمارتیں تباہ ہو گئیں۔

فوری طور پر یہ واضح نہیں ہوسکا کہ اس حملے کا ذمہ دار کون ہے لیکن الشباب اکثر ہارن آف افریقی ملک میں بم دھماکے کرتا رہتا ہے۔

پولیس افسر احمد عدن نے خبر رساں ادارے کو بتایا کہ اب تک میں نے فوجیوں اور عام شہریوں سمیت 10 افراد کو ہلاک اور ایک درجن سے زائد افراد کو زخمی ہوتے دیکھا ہے۔

احمد عدن نے کہا کہ ہلاکتوں کی تعداد میں اضافہ یقینی ہے۔

احمد عدن کا کہنا ہے کہ ہلاک ہونے والوں میں پانچ پولیس اہلکار بھی شامل ہیں جنہوں نے چیک پوائنٹ پر ٹرک کو روکنے کی ناکام کوشش میں اس پر فائرنگ کی تھی۔

احمد عدن نے مزید کہا کہ ہلاکتوں کی تعداد میں اضافہ یقینی ہے کیونکہ چیک پوائنٹ کے ساتھ ساتھ قریبی عمارتیں اور دکانیں بھی ملبے کا ڈھیر بن گئی ہیں۔

بیلڈوین شہر وسطی صومالیہ کے علاقے حران میں واقع ہے جہاں حال ہی میں فوج اور الشباب کے درمیان لڑائی ہوئی ہے۔

حلیمہ نور نامی ایک خاتون نے خبر رساں ادارے کو بتایا کہ ان کی بھتیجی اور دیگر قریبی دکان میں موجود تھے اور ان سے رابطہ نہیں ہو سکا۔

حلیمہ نور نے کہا کہ مجھے نہیں معلوم کہ میں کیا کہوں، سبھی دکانیں اب صرف ملبے کا ڈھیر ہیں۔ میں اپنی بھتیجی کا سراغ نہیں لگا سکتی۔

الشباب صومالیہ کی مرکزی حکومت کے خلاف ایک دہائی سے زائد عرصے سے برسرپیکار ہے جس کا مقصد اسلامی شرعی قوانین کی سخت تشریح پر مبنی اپنی حکمرانی قائم کرنا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/202648/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/202648/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں